Birûc Resûl/Qamişlo
Rêxistinên Civaka Sivîl bi hevkariya Desteya Jîngehê ya Herêma Cizîrê û Şaredariya Gel a Qamişlo pêngava çandina daran li gundê Navkurê dan destpêkirin û di pêngava ku 3`ê rojan dewam bike wê hezar û 200 dar bên çandin.
Bi armanca zêdekirina qadên kesk, bi bêşengiya Rêxistina Civaka
Sivîl û bi hevkariya Desteya Jîngehê ya Herêma Cizîrê û Şaredariya Gel a Qamişlio, pêngava çandina daran li gundê Navkurê yê girêdayî bajarê Qamişlo hat destpêkirin.
Di çarçoveya pêngavê de ku 3’ê rojan dewam dike, wê hezar û 200 darên fêkî û yên daristanan bên çandin.
Derbarê pêngava çandina daran de, Kordînasiyona Rêxistina Civaka Sivîl Lêzan Evdikê ji rojnameya me re axivî û diyar ku gundê Navkurê bi cihê çopê dihat nasîn û wan dest bi bêngava jîngehperest a çandina daran kirin da ku gundê Navkurê were paqijkirin û ji qirêjê were parastin.
Lêzan Evdikê di dewamiya axaftina xwe de wiha got: “Em bi armanca ku gundê Navkurê ji qirêjê xilas bikin û ji aliyê xweza, çandina daran pêşbixin û xweş bikin, me ev pêngav da destpêkirin. Herwiha pêwîste her kes jîngiha herêmê biparêze û bi taybet ciwan ji ber ku parastina jîngiha herêmê ji hemiyan tê xwestin.”