Ronaz Silêman/Qamişlo
Bi boneya Roja Zarokan a Cîhanê, bi dirûşmeya ‘Bi Hev Re Zaroktiya Xwe Û Zarokan Biparêzin’ Nivîsgeha Jin a TEV-DEM′ê li Parka Xwendinê ya Qamişlo şahiyekê ji zarokan re li dar xist.
Ofîsa Jin a Tevgera Civaka Demokratîk TEV-TDM`ê bi boneya Roja Cîhanî a Zarokan Şahiyek li Parka Xwendinê ya bajarê Qamişlo li dar xist.
Di destpêka Şahiyê de endama Nivîsgeha jin a Tevgera Civaka Demokratîk Hemrîn Mihemed bixêrhatina hemû kesên hazir kir û piştre helbest ji aliyê 2` zarokan ve hat gotin.
Endama Nivîsgeha jin a Tevgera Civaka Demokratîk Hemrîn Mihemed diyar kir ku 20`ê Mijdarê roja cîhanî a zaroka ye û ji aliyê Kordînasyona Zarokan a herêma Cizîrê ve kampaniyek hatibû ragehandi û wiha got: “Bi boneya Roja Cîhanî ya Zarokan, me wekî Nivîsgeha Jin a Tevgera Civaka Demokratîk, bi dirûşmeya ‘Bi hev re zaroktiya xwe û zarokan biparêzin’ me şahiyekê ji zarokan re li dar xist, di şahiyê de zêdeyî 60 zarok ji dibistan, pêşesazî û Bazara Sebzeyan di şahiyê de made bûn.”
Hemrîn Mihemed da zanîn ku armanca wan ji şahiyê ew e ku zarokan vegerînin dibistanê, ji bo pêşerojeke baş ji xwe û civakê re ava bikin.
Di pêşveçûna Şahiyê de Koma Girbawî 5 Stran pêşkêş kirin, piştî wê jî 3 zarokan strana Aram Tîkran a Tozî bi hev re gotin û zarokê bi navê Aras Ezîz jî helbestek pêşkêş hemû zarok û mêvanên hazir kir. Herî dawî diyarî li zarokan hat belavkirin.