Birûc Resûl/Qamişlo
Di bin dirûşmeya ‘Em ê bi rihê çanda Netewa Demorkatîk Bakur û Rojhilatê Sûriyê biparêzin û azadiya fêzîkî a Rêber Apo misoger bikin’, Yekemîn Festîvala Çanda Neteweya Demokratîk li navçeya Til Birakê hat li dar xistin.
Desteya Çandê a Herêma Cizîrê, bi duruşmeya ‘Em ê bi rihê çanda Netewa Demorkatîk Bakur û Rojhilatê Sûriyê biparêzin û azadiya fîzîkî ya Rêber Apo misoger bikin’, Yekemîn Festîvala Çandî û Hunerî ya Neteweya Demoratîk li dar xist. Festîval li navçeya Til Birakê a girêdayî bajarê Hesekê di 10’ê Mijdarê de hat li darxistin û 2 rojan dewam kir. Di festîvalê de Kurd, Ereb Suriyan, Ermen û Aşûr bi çand û hunera xwe ya kevineşopî beşdarbûn û festîval xemilandin. Her wiha di festîvalê de Komên govend û stranan berhemên xwe pêşkêş kirin. Di heman demê de Helbest û şano jî hat pêşkêş kirin. Herwiha di çalakiyên festîvalê de Pêşengehên pirtûk, xwarinên kevneşopî, hespên Resen û deve hatin pêşandan. Bi rihê Netewa Demokiratîk hemû pêkhatên bakur û rojhilatê Suriyê di festîvalê de kom bûn.
Derbarê Yekemîn Festîvala Çandî û Hunerî ya Netewa Demokiratîk helbestvanê Ereb
Salih Elherher û endama Yekîtiya Suriyaniya ya bajarê Qamişlo Sebah Şabo ji rojnemeya me re axivîn.
Salih Elherher di destpêka axaftina xwe de da zanîn ku ruxmî rewşa ku herêm tê re derbas dibe lidarxistina festîvalekê wiha gavekî dîrokî ye û wiha pê de çû: “Çandên li Sûriyê û Mezopotamiyayê temenê wê zêdetirî 4 hezar sale. Ev festîval wê balê dikşîne ser şaristaniya herêmê. Rêveberiya Xweser yek laş e û xezîneya dîrokî a hemû çand, ol û mezheban e. Her wiha armanc ji festîvalê ew e ku pêkhateyên Bakur û Rojhilatê Sûriyê bînin cem hev û çandên hev nas bikin. Fikrê Rêber Apo hişt ku îro tevahiya pêkhateyan li vir kom bibin.”
‘Felsefeya wî jiyaneke demokratîk û bi rûmet dide’
Helbestvan Salih Elherher wiha axaftina xwe bi dawî kir: “Festîvala Çand û Hunerê bi navê Netewa Demokiratîk hat lidarxistin, ev felsefeya jiyanê ya ku Rêber Adullah Ocalan daniye, jiyaneke demokratîk û bi rûmet pêşkêşî her mirovekî dike, mafê her kesî dide ku bi ziman û çanda xwe ya zikmakî bijî. Herwiha ev felsefe wekheviya rastîn di navbera zayendan de misoger dike. Bi dîlgirtina Rêber Abdullah Ocalan xwestin rê li ber vê felsefeyê bigirin., li armanca wan pêk nehat. Em wekî pêkhateyên Ereb, Kurd û Suriyan û hemû pêkhateyên li bakur û rojhilatê Suriyê bi rihê demokiratîk dijîn.”
‘Rihê demokiratîk û biratiya gelan wê bi serkeve
Derbarê heman mijarê Sebah Şabo diyar kir ku ji ber kombûna tevahiya pêkhateyên bakur û rojhilatê Suriyê kefxweşin û wiha got: “Tevlîbûne me di festîvala Çand û Hunerî ya ku bi navê Netewa Demokiratîk li navçeya Til Birak ku hat li dar xistin, ji bo me û ji bo hemû pêkhateyan moral û danasîna çand û hunerê bû. Di festîvalê de xuyakir ku çiqas rihê demokiratiyê û biratiya gelan xurte. Her wiha Neteweya Demokratîk jî modeleke ku nexweşiya desthilatdarî, netewperestî, zayendperestiyê red dike. Li şûna hişmendiya netew dewlet a yek ziman, yek çand, yek ol, yek al û hwd, pir zimanan, pir çandan û pir nijadan digre nava xwe. Ji lewre modela Neteweya Demokratîk weke modeleke çareseriyê ku têkiliyên civakî yên bi hezaran sal ji rastiya xwe hatine berovajîkirin sererast dike, civakê vedigerîne cewherê wê.”
‘Em ê çanda kevneşopî zindî bikin’
Endama Yekîtiya Suriyaniya ya bajarê Qamişlo Sebah Şabo wiha dawî li axaftina xwe anî û got: “Armanca me ji vê festîvalê ew bû ku hemû pêkhateyên Kurd, Suriyan, Ermenî, Aşûrî û Ereb bibin destek, herwiha bê zanîn ku tu ferq û cûdahî di navbera wan de tune ye, di heman demê de em wekî pêkhateyên Suriyanî spasiya Rêveberiya Xweser dikin, ji bo piştgiriya wan ji hemû pêkhateyên bakur û rojholatê Suriyê re da ku li çand û hunera xwe vegerin û hîn zêdetir ew çandên kevneşopî bidin zindîkirin.”
