Endamên Tevgera Ciwanên Şoreşger ya Herêma Efrînê piştgiriya xwe ji pêngava cîhanê ya azadiya fîzîkî ya Rêber Abdullah Ocalan ragehandin û gotin, wê bi rihê ciwanên serdemê azadiya fîzîkî ya Rêber Apo misoger bibe.
Vîndar Roj/ Şehba
Bi ragehandina pêngava cîhanî ya ‘Ji Ocalan re azadî û ji pirsgirêka Kurd re çareseriya siyasî’ li Bakur û Rojhilatê Sûriyê tavahî tevger û gelên herêmê dest bi çalakiyên piştgiriya pêngavê kirin. Tevgera Ciwanên Şoreşger yên Sûriyê weke hêzeke bingehîn ya xwedîderketina li doza azadiya fîzîkî ya Rêber Apo tê destgirtin. Li ser vê bingehê tavahî ciwanên Bakur û Rojhilatê Sûriyê dest bi çalakiyên nîtalîk ji bo azxadiya fîzîkî ya Rêber Apo kirine. Ciwanên Efrîn û Şehbayê jî ji van çalakiyan ne qutin û bi awayekî aktîv çalakiyan li dar dixin.
Têkildarî piştgiriya ciwanên herêma Efrîn û Şehbayê ji pêngavê re, endamên Tevgera Ciwanan Şoreşger Rolyana Mihemed û Ebdulqadir Erûs ji rojnameya me re axivîn.
‘Faşîzma Tirkiyê wê neghêje armanca xwe’
Rolyana Mihemed di destpêka axaftina xwe de diyar kir ku bi hêza cewana wê tecrîda giran ya ku li ser Rêber Apo tê ferizkirin, bê şikandin û wiha got: “Faşîzma Tirkiyê li ser Rêber Apo tecrîdeke girankirî dide meşandin. Armanca wan ji tecrîda têkbirina destkeftiyên gelê Kurd e. Dagirkeriya Tirkiyê dema ku dibîne gelê kurd li ser asta cîhanê xwe isbat kir, tecrîdê girantir dike. Ji derveyî girankirina Tecrîda li ser Rêber Apo, tiştek di destê dagirkeriya Tirk de nema ye. Ji lewra bi girankirina tecrîdê hêz û îradeya gelê Kurd hedef digire. Tevî van polîtîkeyan hemûyan faşîzma Tirkiyê negihîştiye armanca xwe û wê tu carî jî neghêje. Bi hêza ciwanên Apoyî wê azadiya fîzîkî ya Rêber Apo û serkeftina doza Kurd misoger bibe.”
‘Li hemberî dijmin wê hêza ciwanan li eniya pêş be’
Rolyan destnîşan kir ku di oxira vê têkoşînê de wê ciwanên serdemê di eniya pêşîn de bin û wiha got: “Di Tevgera Azadiyê de û di şoreşa Rojavayê Kurdistanê de ciwanên têkoşer her tim cebheya yekemîn ya şoreşê girtine û oxira vê dozê de bûne milîtanên azadiyê. Di şerê li hemberî faşîzmê de û di oxira vê têkoşînê de, wê her tim dijmin ciwanên serdemê me di eniya pêşîn de li hember xwe bibînin.”
Dîwarên Îmraliyê hilweşîne cenga azadiyê bi ser bixe
Abdulqadir Erûş jî derbarê çalakiyên ciwanan yên ji bo pêngavê wiha got: “Tevgera Ciwanên Şoreşger hêza yekemîn ya şoreşê temsîl dike. Her wiha di hemû pêngav û hemleyên ji bo azadiya Rêber Apo hatine destpêkirin, ciwanan rolekî pêşeng di asta giştî de girtine ser milê xwe. Wê di vê demê de jî tavahî çalakiyên ku ji bo azadiya fîzîkî ya Rêber Apo bên kirin bi silogana ‘Dîwarên Îmraliyê hilweşîne cenga azadiyê bi ser bixe” wê bên orgenîzekirin.”
‘Li hemberî faşîzmê bibin agirê Mazlûman’
Abdulqadir Erûş di dawiya axaftina xwe de anî ziman ku heyanî azadiya fîzîkî ya Rêber Apo misoger nebe ew ê dest ji têkoşînê bernedin û got: “Misogerkirina azadiya fîzîkî ya Rêber Apo û şikandina tecrîda li Îmraliyê armanca me ya yekemêne. Hêz û têkoşîna ku me ji îdeolojiya Rêber Apo wergirtiye û berxwedaniya ku me ji berxwedana zîndanan girtiye, wê her tim zindî bimîne û bibe riya rizgariyê. Em banga tavahî ciwanên Kurd û yên azadîxweaz dikin ku li hermberî faşîzmê bibin agirê Mazlûman û tevlî şoreşa mirovahiyê bibin.”