Nehîr pale
Hemleya cîhanî ku 10`ê Cotmehê ji bo Rêber APO hatiye dest pê kirin ji bo jinê hemleyekî siyasî û îdeolojîk e. Azadiya Rêber APO di heman demê de çareserkirina pirsgirêka jin e. Di navbera Rêber APO û jin de têkiliyekî îdeolojîk ê xurt heye. Dema ku jin li hemberî hêzên dagirker û civaka cinsiyetparêz têdikoşe tê wateya têkoşîna li dijî dîlgirtina Rêber APO ye. Hêzên sermeyedar çawa êrîşî Rêber APO dikin bi heman rêbazan êrîşî jin dikin û dixwazin nefesê lê biçkînin. Hemû tevger û rêxistinên jin di nava şerekî siyasî û îdeolojîk de ne. Xwedî li hemleya `Ji Rêber APO re azadî ji pirsgirêka Kurd re çareserî` derketin têkoşîna herî mezin e.
Dewleta Tirk a dagirker ji destpêka derketina Tevgera Azadiyê ve dema ku hewl daye Rêber APO lewaz bike her tim êrîşî Tevgera Jin kiriye û xwestiye bi riya jinan derbe li Tevgerê bixîne. Jin bi rêbazên herî gemar daye bi kar anîn, jina ku dest bi têkoşînê kiriye rastî tacîz, tecawiz, girtin, işkence û kuştinê hatiye.
Sala 1982`an di zîndana Amedê de xwest di kesayeta şehîd Sakîne Cansiz û hevalên wê de êrîşî Rêber APO bike û îradeya wan bişkîne. Her jineke ku dixwaze xwedî li nasnameya xwe derbikeve û têkoşînê dike, Tirkiyê dikeve nava hewldanên ku destê xwe bavêje wan û îradeya wan bişkîne. Tirkiyê niha bi riya polîs û çeteyên xwe rojane êrîşî jin dike. Çawa li Îmralî dixwaze Rêber APO tesfiye bike li herêmên dagirkerî jî rojane êrîşî jin dikin.
Jin di destpêka dozê de aliyê leşkerî, siyasî, rêxistinî û hwd. Têkoşiyaye û li ber xwe daye. Niha êdî têkoşîna jinê dighîje lûtkeyê û cîhanî dibe. Ne tenê li Kurdistanê, li Ewrûpa û li tevayî Rojhilata Navîn jin êdî bêdeng namîne. Rêber APO jin fêrî têkoşînê kir û cesaret da wê ku bibe xwedî helwest. Li hemberî koletiyê azadî pê da naskirin, şûna bêdengiyê ew fêr kir ku bifikire û nêrîna xwe bîne ser ziman.
Êdî jin gihîştiye pêvajoya ku bi xwe çarenûsa xwe diyar bike, ev yek ne tiştekî hesane û têkoşînê dixwaze. Mêrê desthilatdar û civaka cinsiyetparêz wê zûbizû destûr nedin ku jin bixwe çarenûsa xwe diyar bike û wê her tim bibin asteng. Çarenûsa hemû jinan bi hev ve girêdayî ye. Di dîrokê de her tim hewldana jin hebû ku bibe rêberê civakê û bixwe çarenûsa xwe diyar bike. Ji ber dixwest di civakê de bibe xwedî rol, li hemberî koletiyê serî hildida û dixwest bibe hêza çareseriyê ji aliyê mêrê dagirker û civaka cinsiyetparêz ve dihat perçiqandin. Niha jî ew nêzîkatiyên ji jin re berdewam dikin û her tim dixwazin wê biperçiqîn in.
Tenê Rêber APO çareseriya pirsgirêkan di çareserkirina doza jinê de dît. Ji aliyê leşkerî, siyasî, civakî, dîplomasî û hwd. Jin tevlî xebatê bû û dest bi têkoşînê kir. Her ku rêxistina jin berfereh dibû ew qasî dengê wê dihat bihîstin. Ji bo jin bixwe çarenûsa xwe diyar bike Rêber APO kedekî mezin dide. Li hemleya `Ji Rêber APO re azadî ji pirsgirêka Kurd re çareserî` xwedî derketin li hebûna xwe xwedî derketine.