Birûc Resûl/Qamişlo
Bi armnac piştgiriya pêngava ‘Azadî ji Rêber Abdullah Ocalan re, çareseriya siyasî ji bo pirsgirêka Kurd’, Însiyatîfa Gel li bajarê Qamişlo çalakiya konvedanê ya ku 7 rojan hatibû berdewam kirin bi dawî bû.
Bi pêşengiya insiyatîfa gel û sazî û dezgehên Çand û Hunerî li Kantona Qamişlo bi pêşengiya Tevgera Çand û Hunerê, Tevgera Hîlala Zêrîn, Yekîtiya Rewşenbîran, Yekîtiya Hunermendan, Dîwana Wêjeyê û Rêveberiya Çand û Hunerê beşdarî çalakiya konvedanê bûn. Çalakiya konvedanê ya ku 7 rojan li bajarê Qamişlo hatibû destpêkirin bi dawî bû. Armanca çalakiyê balkişandina li ser tecrîda girankirî ya li ser Rêberê Gelê Kurd Abdullah Ocalan tê meşandin.
Girêdayî kampaniya azadiya Rêber Apo Yadê Suaad Dayika şehîd Hevrîn Xelef ji rojnemeya me re axivî û wiha got: “Îro em ji bajarê Dêrikê hatina ku em Tevlî çalakiya konvedanê ya ji bo azadiya Rêber Apo ya fîzîkî bibin, her wiha bi pêngava ku di 10’ê vê mehê de ji bo azadiya fîzîkî ya Rêber Abdullah Ocalan ku li zêdetirî 74 bajaran hatiye destpêkirin, em weke gelê bakur û rojhilatê Sûriyê bi hemû pêkhateyan tevlî vê kampanyayê dibin. Ji ber ku Rêber Abdullah Ocalan îradeya gelên herêmê û cîhanê temsîl dike, sembola azadiya di asta cîhanê de û avakerê felsefeya neteweya demokratîk û biratiya gelan e. Dewleta Tirk a dagirker, bi hezarê salane bûye bela serê dinyayê û mirovahiyê. Dixwazin ev jiyana mirî bibe qedera gelan. Dixwaze di şexsê jinê de civakê kole bikin û hêviyên azadî û rizgariyê tunebikin. Ji ber ku Rêber Apo ev dîroka qirêj işkere kir û altarnatîfa jiyana azad afirand, fikrên Jina azad pêş xist, Çanda jiyana hevpar afirand û ji bona wê yekê bû hedefên êrîşên hêzên dagirker. Ji bo van hêzên dijmirovî û dij exleqî Rêber Apo ji bona xwe xeteriya herî mezin dibînin.”
Yadê Suaad di dawiya axaftina xwe da diyar kir ku dewletên navnetewî pêwîste ku bi erkên xwe rabin û azadiya Rêber Apo ya fîzîkî mesoger bikin û got: “Di çalakiya Konvedanê de bi taybet jin cihê xwe têde girtin û pê rabûn, ji ber ku azadiya Rêber Apo bi azadiya jinê ve girêdaye. Dema ku Rêber Apo azadiya wî ya fîzîkî mesoger bibe wê jin jî azad bibe. Em ê her çalakiyên cur bi cur ji bo azadiya Rêber Abdullah Ocalan li darbixin û tekoşînê bikin û em çi bikin em ê, deyindarê Rêber Abdullah Ocalan bin. Di dawiyê de banga me jî ew e, ku dewletên navnetewî û Rêxistinên Mafên Mirovan bi erkên xwe yên mirovî rabin û azadiya Rêber Apo misoger bikin.”