Hafiz Ahmet Turhalli
Erdogan dîsa harbuye û êrîşên hovane li ser gelê me dimeşîne. Li Rojavayê welatê me, hovîtîya dewleta Tirk gîhaştiye asta jenosîdê.
wezîrê karê derve yê Tirk, li beramber Mirovahiyê disekine û weha dibêje: Emê sê mîlyon mirovan, ji bê avî û bê nanî bikujin.
Di dîroka mirovahiyê de buyerên bi vî rengî nehatine dîtin, ger hebinjî kêmin.
Dema Yezîdê kurê Muawîyê Hz Hûseyin di kerbelayê de qetil kir, dîrok behsa çawa kuştina Hz Hûseyin, malbat û hevalên wî dike. Ev felaket di dîroka misilmanan de wek rureşiyek mezin tê dîtin. Buyera Kerbelayê jî, di 10’ê meha Cotmeha 680 de rudaye.
Zarokê Hz Huseyin yê şeş mehî, di çola kerbelayêde, ji bê aviyê li ber mirênê bu. Hz Hûseyin derguşa xwe girt û ji Yezîdre got; henekî av bidin, bira ev dergûş nemire. Kesê bi navê Hurmala bin Kahîl bi tîr û kevanê li ustiyê zarok da û ew dergûş kuşt. Yezîdê kurê Muawiyê bi 4500 leşkerî, hawîrdor ji Hz Hûseyin û malbata wî girt. Ji bo ew bê av bimînîn û teslîm bibin. Piştî Hz Huseyn derguşa xwe bin ax kir û vegeriya ji Yezîdre got: Em xwe radestî we nakin. Yezîd bi leşkeran êrîşê Hz Huseyn kir. Hezretî Hûseyin, hevalên wî û malbata wî, bi rengekî hovane qetil kirin. Candekê wan perçe kirin, serê wan jê kirin, ji bo bibe îbret û kes nikaribe beramber zilma wan tev bigere, zarok û jin jî kuştin. Laşê wan jî li bajaran û navçeyan li pey hespan kaşkirin û gerandin.
Ev buyer bi taybet di nava Şîîyan û Sunniyan de jî weke felaketekî dîrokî tê zanîn.
Lê Îro em dibînin kesê ji xwere dibêjin em Misilmanin û kiryarên ku ji destên wan pêk tên hovtir û wehşîtirin. Buyerên îro pêşdikevin, mirov xweziya xwe bi dema Yezîdê zalim tîne. Yezîdê kurê Muawiyê, sed kes bi sosrteî kuşt. Îro em dibînin kesên qaşo nimêjan dikin, rojiyan digrin û dibêjin em ummeta Muhemmed sXl, karesatên pir giran bi ser mirovahiyê de tînin.
Li Rojavayê welatê me ev kesayet, an desthilat ku ji xwere dibêjin em Misilmanin, ava bi milyona mirovan dibirin, bombe dikin, cîhê zad û eletrîkê diteqînin. Kesên ji xwere dibêjin em bawermendin, hevkariya van xayinên ol û mirovahiyê bi cureyekî eşkere dikin. Gelo nuneriya Hz Hûseyn û Malbata wî îro gelê Kurd dike? Belê ragirtina heqîqetê, îro para me Kurdan e.
Desthilatên cîhanê ku bixwe yasa û qanûnên xwe çêkirine, kiryarên dewleta Tirk jî pêk tîne suce, rexmî vêna hemû bê dengin, an jî aligirin.
Neha henek kes hene behsa Kurdîyatî û Kurdistanitîyê dikin, ew jî bê dengin. Gelo dema sê milyon zêdetir gelê te di bin kuştina komîdebe û hûn jî di qesrê xwe de rûnîkin, bixwin vexwin û li keyfa xwe mêzekin, ma ev Kurd û Kurdistanîye? Mûnafiqên ola Îslamê çawa zêde bune, neha minafiqên Kurdî û Kurdistanitiyê jî zêde bûne. Kurd li Rojava, bê nane bê av e, bê eletrîke û bê nexweşxaneye û tu ey kesê bêdeng û rehet, tu doza Kurdistanê dikî! Dev ji hemû cureyên minafiqiyê berdin, bi rastî li ol, welat û gelê xwe xwedî derkevin.