Li hermberî êrîşên dagirkeriya Tirk yên li ser Bakur û Rojhilatê Sûriyê, Yekîtiya Parêzeran ya Efrîn û Şehbayê li kampa Serdem, ji bo raya giştî daxuyaniyek da.
Navenda Nûçeyan
Dagirkeriya Tirkiyê ji 5’ê Cotmehê ve dest bi êrîşkirina tavahî herêmên Bakur û Rojhilatê Sûriyê kiriye. Ji Şehba heyanî Dêrîk rojane êrîşên hawayî û bejayî tên kirin.
Di dîroka 11 ê Cotmehê de Yekîtiya Parêzerên Efrîn û Şehba beşa Şehbayê bi daxuyaniyeke nivîskî êrîşên dagirkeriyê şermezar kirin.
Di daxuyaniyê de ev hate ragihandin:
Bi zêdekirina dagirkeriya Tirk êrîşên xwe li ser herêmêm Bakur û Rojhilatê Sûriyê, û hedefgirtina binasaziyên herêmê weke kargehên Pêşesazî, Aborî, Navendên xizmetguzariyê, cihên gaz û petrolê, stasyona eletrîkê, sivîl û malên wan heyanî navendên hêzên ewlekariya hundirîn. Ku di encam de 29 şervan Şehîd bûn. Ev tê wateya berdewam kirina siyaseta dewleta Tirk yê pilankirî li ser qirkirina hemû gelan û pêkhateyan di asta giştî de û bi taybet gelê Kurd yên ku siyaseta dewleta Tirk yê nûjen red dike û qebûl nak. Ew jî pêkanîna Mîsaqa Milî ye.
Ev êrîş û pinpêkirin piştî daxuyaniya wezîrî derve yê Tirkiyê Hekan Fîdan di 4’ê Cotmehê de daye hat destpêkirin. Piştî wê dagirkeriya Tirk êrîşên xwe yên ezmanî li ser HERêMêN BAKUR û rojhilatê Sûriyê zêdetir kir û di êrîşên xwe de hemû cureyên çekan ji balafirên şer, balafirên bê mirov û êrîşên bi topan hemû binesaziya Bakur û Rojhilatê Sûriyê armanc girtin.
Ev êrîş weke sûcên şer tên kirin û digihêje asta sûcên qirkirina giştî. Bi vê yekê jî zagona navnetewî ya giştî û zagona navnetewî ya mirovî binpê dike. Ew jî li ser esasê ji hevcudakirina hêzên leşkerî û gelê sivîl her wiha avahîsaziya bingehîn yê herêmê ye. Lê belê dagirkeriya Tirkiyê ev hemû zagot binpê kirine.
Li ser esasê bingeha heftemîn ya zagona navnetewî ya mirovî û her wiha li ser esasê her du madeyên 48, 54 ji pirotokolên girêdayî peymana Civêvê ya 1949, bikaranîna Tirkiyê ji madeya 51 ji mîsaqa netewwyên yekbûyî yên ku bi mafê parastina rewa ve girêdayî ye, li ser tu bingehên zagonî nayên sepandin, ji ber ku tu binpêkirina ji aliyê rêveberiyê ve nehatine kirin.
Em Yekîtiya Parêzeran li kantona Efrîn û Şehba şaxa Şehbayê bangawaziya hemû pêkhateyan li Bakur û Rojhalatê Sûriyê dikin û bi taybet gelê Kurd li her çar perçeyên Kurdistanê û hemû gelên azadîxwaz û demokratîk dikin ku dakevin qadan û xwepêşandanan li hember êrîşên dagirkeriya Tirk û binpêkirinên wê yên li ser gelê herêmê bisekinin.
Careke din bangawaziya me ji hemû rêxistinên hiqûqî û mirovî yên navnetewî, civaka navnetewî, bi taybet xaça sor ya navnetewî dikin ku yekser bi erkên xwe rabin û êrîş û binpêkirinan li ser herêmên Bakur û Rojhilatê Sûriyê bisekinînin.
