Li hemberî Kompiloya Navnetewî ya ku di 9’ê Cotmeha 1998’an de li dijî Rêber Abdullah Ocalan hatiye destpêkirin, gelê Efrîn û Şehbayê bi dirûşmeya ‘Bi berxwedana gel û gerîla em ê kompilo têk bibin û azadiya Rêber Apo misoger bikin’ meşek girseyî li dar xistin.
Zana Roj/ Şehba
Bi salvegera 25’an ya destpêkirina Komploya Navneteweyî ya li dijî Rêber Abdullah Ocalan ,tavahiya gelên bakur û rojhilatê Sûriyê daketin qadan û banga azadiya fîzîkî ya Rêber Apo kirin.
Di heman çarçoveyê de gelên Efrîn û Şehabyê, li herêma Şehbayê meşek girseyî li dar xistin. Meş bi tevlîbûna tevahî koçberên Efrîn, şêniyên Şehbayê, endam û nunerên saziyên Rêvberiya Xweser dest pê kir. Di çalakiyê de banga azadiya fîzîkî ya Rêber Apo kirin.
Girseya gel ji dibistana Muşte heya qada Ajokaran meşiyan, di meşê de jinên Efrînê ku beşdarî meşê bûn ji Rojnameya me re axivîn û diyar kirin ku heya azadiya Rêber Apo misoger nebe ew ê dest ji çalakiya xwe bernedin.
‘Di riya têkoşînê de bi îsrarin’
Welatiya binavê Emîne Mistefa kompeleya ser Rêber Apo şermezar kir û wiha got:”Em kompelya 9 Cotmehê ya li ser Rêber Apo pêkhatiye şermezar dikin. Ev kompel naye qebulkirin, em ê bi berxwedaniya xwe kompeleya li ser Rêber Apo têk bibin. Em ê ji bo Serokê xwe her tim li ser piyan bin û tu carî dest ji têkoşîna xwe bernadin.”
‘Bi milyonan li derdora Rêber Apo kom bûn e’
Welatiya bi navê Leyle Hebeş jî kompelya li ser Rêber Abdullah Ocalan şermezar kir û wiha got: “Armanca dîlgirtina Rêber Apo,têkbirina fikirê azad e. Lê belê karwanên azadiyê tev lê bûn û li dora fikira wî kom bûnç xwedî lê derketinç helwestên mezin di qadên têkoşînê û rûmetê de nîşan dan. Niha jî bi saya fikira Rêber Apo bi milyonan li derdora fikirê wî kombûne. Her roj ji bo Rêber Apo em ê li qadan bin û çalakiyan li dar bixin.”
