Ayşa Silêman/ Qamişlo
Êrîşên dewleta Tirk berdewamin li ser bakur û rojhilatê sûriya yê û bi taybet ji 4’ê mehê heyanî roja îro bê navber ev êriş berdewmin û êrîşî binesaziya herêmê dikin armanc û li hemberî van êrişan jî cîhan ker, kor û lal e.
Dewleta Tirk bi êrîşên rasterast armanckirina binesaziya Bakur û Rojhilatê Sûriya dike hedef û piştî gefên wezîrê derve yê turkiyê Hakan Fîdan ev êriş bi rengekî dijwartir destpêkirin. Di van êrişan de û li gorî daxuyaniya ku QSD’ê da heyanî neha zêdeyî 15 welatî şehîd ketine û gelek birîndar jî hene û hîn jî ev êriş bi dijwarî berdewamin.
Di derbarê êrîşên dewleta Tirk li ser Bakur û Rojhilatê Sûriyê endamê Saziya Malbatên Şehîdan Ebdulqadir Hisên ji rojnameya ronahi re axivî.
Armanca dewleta tirk ji van êrîşan
Ebdulqadir Hisên endamê saziya malbatên şehîdan diyar kir ku armanca dewleta tirk ji van êrîşan naxwaze pêşketin û biratiya gelan ya ku li bakur û rojhilatê sûriya yê çêbûye berdewam bibe. Herkes dizane di nav gelan de hevgirtinek heye û gel tev girêdayî remanê Rêber Apo ye û ancax riya xelasiyê bi sistema netewa demukratîk pêkwere.
Lê dagirkeriya Tirk dixwaze doza kurî di bin navê şerê li hemberî terorê de di nava raya giştî de rewa bike û bi vî rengî qirkirineke çandî û nijadî li ser gelê Kurd bide meşandin. Herwiha Ebdulqadir Hisên di berdewamiya axaftina xwe de got: ” Ji destpêka şoreşa Rojava û Bakur û Rojhilatê Sûriyê me gelek bedel dane û emê ji bona azadiyê û rûmeta xwe emê her tim di nava berxwedaniyê de bin û destkeftiyên şoreşê biparêzin.
Bêdengiya Netewên Yekbûyî li hember gelê Kurd
Ebdulqadir Hisên endamê saziya malbatên şehîdan dawî li axaftina xwe anî û wiha got:”Gelek dewletên ewropî dibêjin em hevalê kurdane û li pişta wanin lê gava zilim û êrîş li miletê kurd tê kirin herkes bêdeng dimîne, ev tê wateya ku ew ji bo berjewendiyên xwe hevalên me ne. Kes ji bo gelê kurd tiştekî nake, îro roj dewleta tirk êrîşî binesaziya herêma Bakur û Rojhilatê Sûriye û binesaziya wê û naxwaze derfetên jiyanê ji gel re bihêle. Tu destûr li dunyayê nînin ku maf bidin dewlata tirk ku êrîş bike, lê mixabin herkes ji bo vê dewletê bêdenge, eger dewletên ewropî yên ku dibêjin em pişta kurdane tiştekî ji bo kurdan nekin nexwe hevaltiya wan ji bo me çiye. Lê berûvajî vê yekê dema ku li ser Israyilê çêbû yekser Netewên yekbûyî destek da wan û gotin divê em bibin yek ji bo alîkariya Israîl alîkar bin. Lê ji bo gelê kurd çavên xwe digrin û xwe kor, ker û lal dikin. Banga min ji bo hemû gelê kurd heye ku tev li hemberî êriş û faşîzma dagirkeriya tirk a ku li ser herêmê tê meşandin dengê xwe bilind bikin û di her warê jiyanê de û bi remanê Rêber Apo xwe tenzîm bikin û bibin bersiv.”
