Berpirsê komîteya Mehelî Kerkûk ê Hizba Komunîst yê Iraqê dagirkeriya dewleta Tirkiyê şermezar kir û diyarkir ku divê Hikûmeta Iraqê bibe xwedî helwest û vê pirsgirêkê bi dewleta Tirk re çareser bike.
Dagirkeriya dewleta Tirk a li ser xaka Başûrê Kurdistanê berdewame û roj bi roj artêşa Tirk dagirkeriyê berfireh dike. Li ser vê yekê berpirsê komîteya Mehelî yê Kerkûkê yê Hizba Komunîst yê Iraqê Reysan Hisên li hember dagirkeriya dewleta Tirk nerazîbûn nîşan da.
Hisên diyar kir ku hatina hêzên Tirk di nava xaka Iraqê de , ne li gorî qanûnên navnetewî ye û wiha axivî; “Rê ji bo vî karê dewleta Tirk nehatiye dayîn, divê dewleta Tirk ji bo raya giştî, Neteweyên Yekbûyî û Meclisa Ewlehiya Navnetewî vê mijarê zelal bike. Pêwîste Hikûmeta Iraqê li hemberî dagirkeriya dewleta Tirk helwesta xwe nîşan bide.”
Hisên di dawiyê de diyar kir ku pêwîste Iraq bi rêya peywendiyê ji derve re vê pirsgirêkê li gel Tirkiyê çareser bike…
ROJNEWS
Hizba Komunîst bertek nîşanî dagirkeriya Tirk da
