Di bin konê sersaxiya pismamê xwe de Hikmet Hebîb axivî û diyar kir ku ew ji bo pêşeroja Sûriyê ji dan û standinan û lidarxistina kongreya netewî re amade ne. Hebîb wiha got: “Destên me ji bo çareseriyê ji Sûriyê re vekirî ne û em dev ji projeya avakirina Sûriyeke demokratîk û nenavendî bernadin.”
Endamê Desteya Serokatiya Meclisa Sûriya Demokratîk Hikmet Hebîb di bin konê sersaxiyê yê pismamê xwe yê endamê Hêzên Ewlehiya Hundirîn Mihemed Selmo ku di 20`ê Tîrmehê de dema ku bi erka xwe ya leşkerî radibû şehîd ket de axivî û diyar kir ku ew li ser rêya şehîdên azadiyê ne.
Hikmet El-Hebîb eşkere kir ku divê kes guhê xwe nede reklamên ku kesên dixwazin deskeftiyên gelên heremê têk bibin.
Hikmet Hebîb diyar kir ku Meclisa Sûriya Demokratîk ji dan û standinan û lidarxistina kongreyeke neteweyî ji bo Sûriyê amade ye û got, “Ev yek nahêle em dev ji projeya xwe ya Sûriya demokratîk, federal û nenavendî berdin.”
Li ser helwesta rêjîma Sûriyê û aloziya Sûriyê jî Hebîb da zanîn ku rêjîma Sûriyê heta niha jî naxwaze aloziya Sûriyê bi rengê aştiyane bê çareserkirin.
Hikmet Hebîb da zanîn ku Sûriye ne ya kesayetekê ye lê belê ya gelê Sûriyê bi tevahî ye û wiha berdewam kir: “Pêwîste gelên herêmê piştgiriya hev bikin, ji ber ku tu tişt di dest me de tune ye ji bilî yekgirtinê. Lê me bi yekgirtina xwe gelek gav avêtin bi saya xwîna şehîdên xort û jin ên ku giyanê xwe di ber me de kirin qurban û dijminê herî mezin di cîhanê de qewitandin.”
Endamê Desteya Serokatiya Meclisa Sûriya Demokratîk Hikmet Hebîb destnîşan kir ku projeya Sûriya nenavendî armanca wan a sereke ye û beramberî her tiştî ji ser danakevin û got: “Gelek hêzan bi me re da û stand da ku em Sûriyê ji rûxandinê xelas bikin.”…ANHA
Em ji projeya Sûriya demokratîk venagerin
