Hevserokê Giştî yê HDP’ê Sezaî Temellî, diyar kir HDP wê hemû mûxalifeta xwe nexe parlamentoyê û got: “Berevajî, emê li tevahiya Tirkiyê mafê xwe biparêzin, têkoşîna xwe ya aştî û demokrasiyê mezin bikin û em ê muxalifetê li hemû qadan bihûn in.”
Kampa HDP’ê ya Wanê ku ji bo diyarkirina polîtîka û têkoşîna HDP’ê ya dema nû, bi beşdariya hevserok û hemû parlamenteran tê lidarxistin, di roja 3’yemîn de berdewam dike. Hevserokê HDP’ê Sezaî Temellî ku beşdarî kampê bû têkilarî mijarên di rojevê de nirxandinên girîng kir. Temellî diyar kir ku nav û penasekirina pergala ku piştî Hilbijartina 24’ê Hezîranê ketiye meriyetê ne diyar e û wiha got: “Ji ber vê ne diyarbûnê rewşeke ku welatê nikare bi rê ve biçe, li holê heye. Navê vê rewşê jî krîza rêveberiya welat e.”
Temelî da zanîn ku pergala hatiye avakirin eleqeya xwe bi siyaseta Tirkiyê re tune ye got: “Pergala hatiye avakirin berhema zihneyeteke tekparêz e. Ji ber vê yekê niha Tirkiye di krîza rêveberî, siyasî, civakî de ye.
Temellî, di dewama axaftina xwe de wiha got: “Desthildarî ji Meclîsê reviya. Yanî rêveberî ji derveyî Meclîsê avakirin. Hemû derdê wan ewbû ji Meclîsê birevin û Meclîsê bêwate û bênirx bihêlin. Bêguman HDP wê hemû mûxalifeta xwe neke parlamentoyê. Berevajî, wê li tevahiya Tirkiyê mafê xwe biparêze, têkoşîna xwe ya aştî û demokrasiyê mezin bike û em ê muxalifetê di vir de bihûnin.
Temellî, da zanîn ku tekane hêza muxalîf a li dijî desthilatdariyê HDP ye û got: “Partiya muxalîf a rast emin. Ji ber ku li Tirkiyê du alternafît hene. Yek feraseta tekparêz û rejîma yekzilamiye û ya duyan jî feraseta demokrasiya radîkal a HDP’ê ye. Siyaseta Tirkiyeyê dinavbera van her duyan de teşe digire. Ji ber vê yekê desthilatdar evqasî êrîşî HDP’ê dike, û hewl didin wekîlên HDP’ê terorîze bike.
Partiya rast a muxalif HDP ye
