Partiya Sûriyê ya Pêşerojê bi armanca danasîn û nirxandina armancên partiya xwe û helwestên wan li hemberî aloziya Sûriyê ji rewşenbîrên Hesekê re civînek li dar xist.Civîn li Salona Erd El-Ehlam a bajarê Hesekê hate lidarixstin. Bi dehan rewşenbîr beşdarî civînê bûn. Her wiha serokê partiyê nirxandin li ser rewşa dawîn li herêmê kir. Serokê partiyê Îbrahîm El-Qeftan axivî û partiya xwe da nasandin. El-Qeftan destnîşan kir ku armanca partiya wan avakirina Sûriyeke pirreng e û hemû pêkhateyan di nava xwe de bigire, ji pîvana hevpeyvîna di navbera partî û rêxistinan de bikarin aloziya Sûriyê ku ev 7 sal e dewam dike, çareser bikin.Qeftan tekez kir ku aloziya Sûriyê bi rêya şêwir û parastina yekitiya xaka Sûriyê wê were çareserkirin. Qeftan destnîşan kir ku destwerdana derve aloziya Sûriyê kûrtir dike.Di dawiya civînê de nîqaş li ser avakirina nifşekî nû û avakirina Sûriyeke pirreng û nenavendî nîqaş hatin kirin…
Armanca HSM’ê Sûriyeke pir-reng e
