Çalakiyên Komxebata Zanîngeha Rojava bi dirûşma “Zanîngeha azad û demokratîk” hat lidarxistin.
Li Zanîngeha Rojava ya bajarê Qamişlo bi dirûşmeya “Zanîngeha azad û demokratîk” komxebata li ser materyalên zanîngehê û mekanîzmaya wê di zanîngehên Rojava û Bakurê Sûriyê de li hola civînan a zanîngehê hat lidarxistin.
Mamosteyên zanîngehên Bakurê Sûriyê, kadroyên dersdayînê, hevseroka Desteya Rêveber a Federaliya Demokratîk a Bakurê Sûriyê Foza Yûsif, şêwirmenda Rêveberiya Xweseriya Demokratîk Mizgîn Ehmed, berdevkê fermî yê YPG`ê Nûrî Mehmûd, hevserokê Komîteya Têkiliyên Diplomasî Abdulselam Ehmed tev li komxebatê bûn.
Di komxebatê de yek ji endamên komîteya amadekar a komxebatê Welîd Bekir axivî û destnîşan kir ku armanca wan ji lidarxistina komxebatê ku aliyê fêrkirinê di zanîngehên Rojava de bi pêş bixin û dan û standina zanebûnê di navbera mamosteyên zanîngehê û kadroyên dersdayînê de çêbe, her wiha bingeheke xurt ji bo mekanîzmaya di zaningehan de were avakirin.
Paşê hevseroka Desteya Rêveber a Federaliya Demokratîk a Bakurê Sûriyê Foza Yûsiv axivî û û 6`emîn salvegera Şoreşa 19`ê Tîrmehê li hemû gelê Bakurê Sûriyê pîroz kir. Foza diyar kir ku hemû şoreşên cîhanê pêwîstiya wan bi fikir û rêbaz heye da ku bi ser bikeve û şoreşa ku rê û rêbazên rast esas nagire wê bi bin bikeve.
Foza destnîşan kir ku Şoreşa 19`ê Tîrmehê gelek destkeftî bi dest xistin û yek ji wan avakirina zaningeha li hemû herêmên Bakurê Sûriyê bûn da ku kadroyên zana ku dikarin civakê bi rêve bibin û bi pêş bixin, ava bike..ANHA
Komxebata zanîngehan pêk hat
