Li bajarê Qamişlo bi sponsoriya Desteya Çand û Hunerê ya Herêma Cizîrê ya Bakurê Sûriyê duyemîn pêşengeha pirtûkan bi dirûşma “Em bi xwendinê zindî dibin” hate vekirin.
Pêşengeh li Salona Zana ya bajarê Qamişlo hate vekirin. Gelek rewşenbîr, nivîskar, endamên saziyên civaka sivîl, bi dehan hezkiriyên çand û nivîsê ji herêmên Rojava û Bakurê Sûriyê, her wiha hejmarek ji nivîskarên ji Rojava û derve tev li merasîma vekirina pêşangehê bûn.
Di pêşangehê de bi sedan pirtûkên çandî, wêjeyî, civakî, siyasî û zanistî têne pêşkêşkirin.
Di pêşengehê de wêneyek kesayetê welatparêz û rewşenbîr şehîd Hisên Şawîş (Herekol) ê ku yek ji kesên destpêk ku mekanîzmaya materyalê perwerdeyê li Rojava û Bakurê Sûriyê danîn û yê ku pêşengeh ji bo bîranîna wî hatiye lidarxistin, hatiye daliqandin.
Di pêşengehê de beşek taybet ji bo pirtûkên Rêberê Gelê Kurd Abdullah Ocalan heye. Her wiha pêşangeha wêneyên hêzên Asayîşê wê di her sê rojên dawîn de werin pêşkêşkirin û beşek jî bi wêneyên xêzkirinê yên Weqfeya Jina Rewşenbîr jî heye.
Ji çalakiyên pêşengehê ya ku wê 5 rojan dewam bike, wê semîner li ser rewşa çandî li Rojava, nivîskarên kurd ên ku bi zimanê Erebî nivîsandine, helbesta şer li Rojava, jin di wêjeya şoreşê de wê werin dayîn.
Tê payîn ku pêşengeh 5 rojan dewam bike.
