“Bi Hedefgirtina Rojnamevanan Heqîqet Nayê Veşartin”

Bi nêzîkbûna hilbijartinên 14’Gulanê re deweta Tirk a faşîst 144 rojnamegerên ragihandina azad li Bakurê Kurdistanê û tirkiyê hedef girtin e. Girêdayî vê yekê eojnemevanên bakur û rojhilatê sûriyê diyarkirin ku, armanca dagirkeriya tirk a qirker û faşist ew e, ku dengê rastiyê  bê deng bike û kiryarên dijmirovî yên ku  rojane dide meşandin ji cîhanê veşêr e.

Zara Roj/ Qamişlo_

Hilbijartinên 14’ ê Gulanê li Tirkiyê û Bakurê Kurdistanê nêz dibin, sîstema dewleta tirk a faşîst li hember partiyên dijber, çalakvanên Kurd û rojnamegerên ku pilanên AKP ê û MHP ê yên di hilbijartinan de pêk tînin bidin xuyakirin hatine binçavkirin, dagirkeriya Tirkiyê ji bo tepisandina vê yekê dest bi binçavkirin û girtina Rojnamegerên ragihandina azad kirî ye. Ji 25 ê Nîsanê de 144 rojnameger hatine binçavkirin û girtin û ev qirkirina siyasî ya ku li ser pêşengên civakê û bi taybetî jî rojnamevanan hîn berdewam e.

Girêdayî astengkirina çalakiyên ku tên lidarxistin. Bi taybet hedefgirtina rojnamegeran ji aliyê dewleta Tirkiyê ve, Rojnamegerên bakur û rojhilatê Sûriyê ji rojnameya me re axivîn.

Rojnamevan Cudî Elî di destpêka axaftina xwe de anî ziman ku siyaseta ku tê meşandin rastiya dîroka Osmaniyan ya qirker dide diyarkirin û wiha got: “Tişta ku niha li Tirkiyê û bi taybet li ser gelê Kurd tê meşandin, ji dîroka reş ya osmaniyan ne dûr e, dewleta tirk a faşîst çawa ku di dîrokê de her tim xwe li ser qirkirina gelan daya mezinkirin, niha jî siyaseta xwe ya qirkirinê bi awayekî nûjen dide domandin. Hikumeta AKP ê û MHP ê ji bo berdewamkirina serweriya xwe, tavahî partiyên ku nûnertiya demokrasiyê dikin, di serî de Partiya Çepên Kesk bi awayekî hovane êrîşî wan dike.”

`Siyaseta  qirkirinê bê navber didome`

Delîl Doxan destnîşan kir ku polîtîkeya li ser gelê kurd tê meşandin weke siyaseteke qirkirinê tê bi navkirin û wiha got: “siyaseta dewleta Tirkiyê ya li ser gelê Bakurê Kurdistanê tê meşandin siyaseta herî zirav ya asîmilasyonê ye. Dagirkeriya Tirkiyê bi siyaseta xwe ya qirker û gemar derfetê nade ku gel nefesê bigre, her tim hewil dide ku gelê Kurd ji çand, ziman, nasname û rastiya xwe dûrbikeve. Li ser vî esasî bi salane siyaseta qirkirina çandî dide ferzkirin, tavahî kesayetên navdar û yên serî li hember hikumeta AKP ê û MHP ê rakirine hatine dîlgirtin.

`Ji bo tepisandina heqîqetê rojnamevan tên girtin`

Delîl da zanîn ku bi mabesta veşartina rastiyê rojnamegeran binçav dike û wiha domand: “Erdoxan di siyaseta xwe de gihîştiye lûtkeya bê axlaqî û qirêjiyê. Rewşa ku niha di hundir Tirkiyê de tê jiyankirin rewşekî ber bi hilweşandinê ve ye, di aliyê Aborî, siyasî, civakî, dîplomasî qirîzên mezin jiyan dike, êdî baweriya gelê Tirkiyê jî nemaye. Erdogan ji bo veşartina rastiya xwe û tirsa ku ji neha ve jiyan dike ku di hilbijartinan de binbikeve. Ji ber vê yekê  dest bi girtina rojnamevanên ragihandina azad kirî ye.

`ji bona azadiyê tekoşîn û berxwedan`

Delîl diyar kir ku li hember van siyasetan bi taybet di vê pêvajoyê de divê çi were kirin û weha got: “Gelê Kurd di vê dema dîrokî de  pêwîste ku li hundir û derveyî tirkiyê xwe îsbat bike û li mafê xwe xwedî derbikeve. Ji neha ve tê xuyakirin ku tewleta tirk a qirker û faşîst wê di hilbijartinên 14’ Gulanê de bi bin bikeve û ji neha ve tirsa vê yekê jiyan dike û her ku hilbijatin nêzîk dibin hîn bi rengekî hovane êrîşî gelê kurd dike. Li ser vî esasî ji bo valaderxistina tavahî pilanên dagirkeriyê divê hevgirtineke xurt di navbera Kurdan û aliyên azadîxwaz de were avakirin. Ji bona hilweşandina Hikumta AKP ê û MHP ê. Her wiha pêwîste ji bo rojnamegerên ku hatine girtin gelê kurd û di serî de li bakurê kurdistanê dakeve qadan û di hilbijartinan de dengê azadiyê bilindtir bikin.”

`Hevgirtina gelan wê dawiya faşîzmê bîne`

Her wiha Evîn Îbrahîm girêdayî encama ku ji hilbijartinan derkeve wê bandoreke çawa bide avakirin anî ziman ku: “Encama ji hilbijartinan derbikeve ji bo dewleta Tirkiyê wê guhartinên cidî nede avakirin, ji ber guhartina were çêkirin divê di zihniyetê de bê çêkirin. Lewra ger Erdoxan bi serbikeve yan yekê din, wê faşîzim berdewam bike. Ji bo tunekirina Kurdan pilana qirkirin û êrîşan her tim di meryetê de ye. Ji ber vê yekê ger encameke bi hêz ji hilbijartinên bakurê Kurdistanê bê girtin, helbet wê li ser siyaseta Tirkiyê jî bandoreke mezin bide avakirin”.

`Em ê şopdarê riya rastî û heqîqetê bin`

Rojnamevan Evîn Îbrahîm di dawiya axaftina xwe de ji bo tavahî rojnamegerên ragihandina azad yên hatine girtin û binçavkirin wiha got: “Tavahî kesayetên siyasî û rojnamegerên ji bo doza azadî û heqîqetê hatine binçavkirin. Em weke rojnamegerên bakur û rojhilatê sûriyê tekez dikin ku ji bo bilindkirina dengê heqîqetê ji tavahî cîhanê re em ê şopdarê riya rastî û heqîqetê bin. Li hember siyaseta dijmin a derheqê rojnamegeran de erka me ew e, ku em bibin hêza têkbirina faşîzmê.”