Birûc Resûl/Qamişlo
Ciwanên bakur û rojhilatê Sûriyê diyar kirin ku armanca êrîşên dewleta Tirk a dagirker qirkirina gelê Kurd e û gotin, bi têkoşîna ciwanan wê dagirkeriya Tirk têk biçe.
Dewleta tirk ya dagirker bi salane hewil dide ku gelê Kurd qir bike. Dagirkerî şerê herî qirêj û hovana dide meşand û her derê Kurdistanê dike armanca êrîşên xwe. Rojane bi çekên giran, top, tang û balafirên bêmirov êrîşî bakur û rojhilatê Sûriyê û Qadên Berxwedanê Yên girêlayên azadiya kurdistanê dike. Li hemberî van êrîşan têkoşîna gelê Kurd û bi taybetî ya ciwanan bilintir dibe.
Derbarê êriş dewleta Tirk ya dagîrker yên li dijî gelê Kurd endamên Meclisa Tevgera Ciwanên Şoreşger yên bakur û Rojhilatê Sûriyê ji me re axivîn.
`Dixwazin Impratoriya Osmanî ji nû ve vejîn bikin`
Berdevikê Xebatên TEV- DEM’ê yê Ciwanan Hogir Qamişlo, diyar kir ku ji ber têkçûna siyaseta dewleta Tirk wê êrişên xwe yên ser tevayiya Kurdistanê zêde kirine û wiha got:”Dewleta Tirk a ku bi faşîzma xwe tê naskirin, rejîm û îdeolojiya xwe li ser esasê tinekirin û qirkirina gelan ava kiriye. Lê li hemberî siyaseta qirkirinê ya dewleta Tirk a dagirker, bi pêşengiya şoreşa ku Tevgera Azadiya Kurdistanê da destpêkirin, qonaxa vejîn û rizgariyê ji bo Kurdan dest pê kir. Bi taybetî gelên herêmê, bi giştî di demekê de Kurd û Kurdistan ber bi tunekirina tam de bûn, derketina vê tevgerê hemû planên qirkirin û dagîrkirinê ji holê rakir. Dewleta Tirk ne tenê PKK’ê dike hedef, lê destkeftiyên li Başûr, Bakur û Rojava dike hedef. Dixwazin Impratoriya Osmanî ji nû ve vejîn bikin.”
Hogir wiha berdewamî da axavtina xwe û got, hemû ciwan ji bo piştgiriya berxwedanê sefer ber bûn. Ciwan gerîlayên Rêber Apo ne. Ciwan bi fikir û vîna Rêber Apo xwe ronî dikin. Berxwedan û hêrsa şoreşger û Ciwanên welatparêz li herêmê bi giştî û li Kurdistanê bi taybetî wê bi berxwedana leheng a hêzên Gerîla yên Zagrosê re bibin yek, wê dewleta tirik a faşîst bihejînin.
`Dewleta Tirk şerê taybet li ser ciwanan dide meşandin`
Endamê Rêveberiya Tevgera Ciwanên Şoerşger yê Tirbispiyê Kîwan Kena’an, da zanîn ku têkoşîna gelê kurd di asta herî jor de ya û got: “Êrîşên dewleta Tirik ya dagirker, ku li ser bakûr û rojihatê sûriyê dide meşandin, her wiha şerê leşkerî,siyasî û şerê taybet ku li ser kurdan dide kirin, şerê herî qirêj û xeter e. Armanca dewleta tirk, ew e ku bi şerê xwe yê taybet li ser ciwana bide meşandin, ji bo ku gelê kurd were şikandin û ew şoreşa ku me da avakirin tune bike.”
`Em bang rêxistinên mafên mirovan dikin ku bi erkê xwe rabin`
Kena’an da xuyakirin ku divê rêxistinên mafên mirovan bi erkê xwe rabin û axaftina wiha qedand: “Bera dewketa tirk a faşîst bizanbe, ku şoreşa me bi ciwana destpêkiriya, emê bi ciwana serbikefin. Emê bi fikir û felsefeya Rêber Apo azadiyê bi dest bixin. Em bang li rêxistinên mafên mirovan dikin ku ji bo rawestandina êrişên dewleta Tirk ên li ser Bakur û Rojhilatê Sûriyê û parastina jiyana sivîlan, erkên xwe yên mirovî û mafên mirovan pêk bîne.”
