Komîteya Rêveber a PKK’ê bi wesîleya salvegera Şoreşa Rojava ya 19’ê Tîrmehê daxuyaniyeke nivîskî weşand û got, “19’ê Tîrmeha ew roj e ku gelê Rojavayê Kurdistanê biryardarî û îradeya xwe ya ji bo jiyana azad nîşan daye. Em pê bawer in ku di sala heftemîn a Şoreşa Azadiyê ya dîrokî de wê gelên Rojavayê Kurdistanê û Sûriyê, têkoşîna Sûriya demokratîk û Kurdistana azad ji her alî ve xurt bikin.”
Komîteya Rêveber a PKK’ê di salvegera şeşemîn de Şoreşa Azadiyê ya Rojava ya dîrokî li Rêberê Gelê Kurd Abdullah Ocalan, li gelê Rojavayê Kurdistanê, Hêzên Azadiyê yên Rojava û hemû mirovahiyê pîroz kir.
Komîteya Rêveber a PKK’ê bi wesîleya salvegera Şoreşa Rojava ya 19’ê Tîrmehê daxuyaniyeke nivîskî weşand û got, “Li dijî her şêweyên êrîş û dagirkeriyê wê ruhê biratiyê û yekîtiya demokratîk a gelan xurtir bibe.”
Komîteya Rêveber a PKK’ê bi wesîleya salvegera 6. a Şoreşa Azadiyê ya Rojava ya 19’ê Tîrmehê daxuyaniyeke nivîskî weşand. Di daxuyaniyê de hate destnîşankirin ku 19’ê Tîrmeha 2012’an ew roj e ku gelê Rojavayê Kurdistanê biryardarî û îradeya xwe ya ji bo jiyana azad nîşan daye.
PKK’ê destnîşan kir ku îradeya jiyana azad a bi rûmet ku 14’ê Tîrmeha 1982’an di Rojiya Mirinê ya Mezin de hate nîşandan, 19’ê Tîrmeha 2012’an li Rojavayê Kurdistanê veguherî helwestea gel a nayê guhertin.
Di daxuyaniyê de hate ragihandin ku di sala heftemîn a şoreşê de wê şoreşa çandî û civakî ya gelê Rojava kûrtir bibe, hêza xweparastinê wê xurtir bibe û li ser bingeha yekîtiya Sûriya demokratîk têkoşîna siyasî geştir bibe.
Daxuyaniyê wiha dewam kir: “Weke ku tê zanîn, Şoreşa Rojava ya 19’ê Tîrmehê ku weke parçeyek ji şoreşên Kurdistan û Sûriyê derkete holê, li ser bingeha teoriya modernîteya demokratîk a Rêber Apo pêşî li Kurdistana azad, Sûriya demokratîk û Rojhilata Navîn a demokratîk vekir û rêya wê ronî kir.
Em pê bawer in ku di sala heftemîn a Şoreşa Azadiyê ya dîrokî de wê gelên Rojavayê Kurdistanê û Sûriyê, têkoşîna Sûriya demokratîk û Kurdistana azad ji her alî ve xurt bikin, li ser vê bingehê hîn bêhtir pêşî li Şoreşa Rojhilata Navîn a demokratîk vekin. Li dijî her şêwe dagirkerî û destwerdana biyanî, wê ruhê biratiyê û yekîtiya demokratîk a gelan xurtir bikin. Di serî de li Efrînê wê li dijî dagirkeriya TC a faşîst a li gelek qadên Sûriyê, wê têkoşîna berxwedana şoreşgerî bi hev re û bi rengekî çalak geştir bikin, wê karê avakirina neteweya demokratîk li her qadê bi awayekî serketî bimeşînin.”