Endamê Însiyatîfa Azadiya Fîzîkî ya Rêber Abdullah Ocalan Haşim Hiso diyar kir ku çalakiyên Însiyatîfê yên li ser asta navnetewî û baku û rojhilatê Sûriyê wê xurtir bibin û got, armanca me ya sereke têkbirina pergala Îmraliyê ye
Însiyatîfa Azadiya Fîzîkî ya ji bo Azadiya Rêber Abdullah Ocalan di sala 2019’an de, li bajarê Qamişlo hat destpêkirin. herwiha beşeke din li Reqayê hey ew jî girêdayî Însiyatîfa bajarê Qamişlo ye. Kar û xebatên insyatîfê bi taybet şopandina rewşa Rêberê gelê kurd Abdullah Ocalan e, hem ya fîzîkî û hem jî helwesta gelê kurd, Rojhilata Navîn û yên cîhanê derbarê azadiya fîzîkî ya Rêber Apo.
Di derbarê tevaya çalakiyên Însiyatîfa Azadiya Rêber Abdullah Ocalan de, endamê Însiyatîfê Haşim Hiso ji me re axivî.
‘Armanca me Azadiya fîzîkî ya Rêber Apo ye’
Haşim Hiso derbarê armanc û çalakiyên Însyatîfa Azadiya Fîzkî ya Rêber Abdullah Ocalan wiha got: “Ji destpêka ku ev Însiyatîf hatiye damezrandin kar û têkoşîna ji bo azadiya fîzîkî ya Rêber Apo ranewestiyaye. Çalakiyên me di çarçoveya rêxistinkirina meş, lidarxistina civîn û Konfranan de ye. Me li bajarê Hesekê di 10 Sibata 2019’an de civînek ji bo azadiya Rêber Apo ya fîzîkî li dar xist, tê de hemû pêkhateyên bajêr bi girseyî beşdar bûn, di heman çarçoveyê de jî, di sala 2022’an me 2 konfrans li bajarê Reqayê li dar xist, herwiha di 27’ê Kanûna 2022’an de me konferansek li Qamişlo jî li dar xist. Herwiha me di 23 çileya 2023’an de, dest bi Kampaniya Îmzayan ji bo azadiya fîzîkî Rêber Apo kir, hemû pêkhateyên bakur û rojhilatê Sûriyê bi girseyî tê de beşdar bûn û ji bo azadiya fîzîkî ya Rêber Apo îmze kirin, hejmara îmzeyan gihaşti 2 meliyon û 600 hezar îmzeyî û me ev yek li ser li ser ragehandinê jî belav kir. Em niha dixwazin bi van îmzeyan û li ser nav û helwesta gelê xwe derbasî Ewrpayê bibin û bi riya dadgehên Ewrpayê daxwaza mafê gelê xwe bikin û azadiya Rêber Apo ya fîzîkî misoger bikin.”
Hiso derbarê çalakiyên Însiyatîfê yên li ser asta navneteweyî wiha got: “Yek ji girîngtirîn çalakiyên me yên ser asta navneteweyî, Konfransa azadiya Rêber Apo ya ku li Başûrê Efrîqiyayê di 28’ê sibatê de hat lidarxistin, tê de Partiyên siyasî, parêzerên Rêber Apo,Mezlûm Dênc û parêzerê serokê Başûrê Efrîqiyayê yê bûrî Nêlson Mandêla, Mehmûd Batêl beşdarî bûn. Wekî din jî wê li ser asta navdewletî konfransek din di navê kampaniya xwe de ya bi azadiya fîzîkî ya Rêber Apo bang dike, di mehên pêş de hebe û li Libnanê were lidarxistin, li wir bi amadebûna gelek partî , siyasetmedar, Rrêxistinên mafê mirovan û parêzerên hiqûqî jî, wê konferans were nîqaşkirin.
‘Têkoşîna me tev ji bo ruxandina pergala Îmraliyê ye’
Endamê Însiyatîfa Azadiya Rêber Apo ya fîzîkî Haşim Hiso di dawiya axaftina xwe de diyar kir ku ew ranawestin heya ku azadiya Rêbertî bedesnexin û wiha got: “Bi vîna bexwedanê ya gelê me, wê Rêber Apo fîzîkî azad bibe û bi bilindkirina asata têkoşînê wê pergala Îmarliyê hilweşe. Em ê hertim li bakur û rojhilatê Sûriyê kar û çalakiyên ji bo têkbirina tecrîda li ser Rêber Apo û misogerkirina azadiya Rêber Apo ya fîzîkî, dewam bikin. Herwiha li ser asta navdewletî jî emê fikr û felsefeya Rêber Apo û girîngiya azadiya wî ji bo civaka Rojhlata Navîn û cîhanê derxin pêş.”
