Meclîsa Giştî ya PYD’ê salvegera 6’emîn a Şoreşa 19’ê Tîrmehê pîroz kir û wekî ronesansa Rojhilata Navîn bi nav kir.
Meclîsa Giştî ya Partiya Yekîtiya Demokartîk PYD’ê di daxuyaniya derbarê salvegera Şoreşa 19’ê Tîrmehê de ev tişt got:
“Rojhilata Navîn di encamên pergalên serwer de di nava qeyranê de ye. Li ser vê yekê pêwîstî bi şoreşeke nû hebû ku nirxên jiyana azad, nêrîna azad û jiyana aştiyane di nav xwe de bigire. Şoreşa 19’ê Tîrmehê bersiva vê yekê da. Çirûska wê ji Kobanê destpê kir û li tevahî herêmên Rojava û Bakurê Sûriyê belav bû û heya niha jî çirûska wê vêketiye ta armancên avakirina civakeke exlaqî û polîtîk pêk bîne.
Şoreşa ku hatî destpêkirin, siyaseta demokratîk û xeta sêyemîn esas girt. Di vê çarçoveyê de Rêveberiya Xweseriya Demokratîk a ku ciwan û jin wekî hêza pêşeng a civakê esas digire hate damezirandin.
Di heman demê de, şoreşê pergala xweparastinê pêş xist. Hêza parastina xweser ya YPJ û YPG’ê damezirandin da ku li hemberî her êrîşan bibe bersiv. Rizgarkirina Kobanê û Reqayê û herêmên din ji terora cîhanê ya DAIŞ’ê serkeftina herî mezin bûn. Şoreşa 19’ê Tîrmehê asoyeke nû ji bo tevahî gelên Rojhilata Navîn afirand.
Şoreşa 19’ê Tîrmehê guhertinên nû di civakê de pêk anî û bi roleke mîna ronesansa Rojhilata Navîn rabû. Her wiha hişmendiya paşverû têk bir û hişmendiyeke şoreşgerî a ku bingeha xwe ji felsefeya Netewa Demokratîk digire pêş xist.
Wekî Partiya Yekîtiya Demokratîk salvegera Şoreşa 19’ê Tîrmehê li gelên Rojava û Bakurê Sûriyê pîroz dikin û soz didin şehîdên azadî û rûmetê ku em destkftiyên ku bi xwîna wan hatine qezenckirin biparêzin ta ku armancên wan ên demokratîkbûyîna Sûriyê pêk bînin.”
Şoreşa19’ê Tîrmehê ronesans e
