Koordînasyona KJK’ê bi daxuyaniyekê salvegera 7’an a Şoreşa 19’ê Tîrmehê pîroz kir û wiha got, “Şoreşa 19’ê Tîrmehê bûye şoreşa jinê. Ji bo ku em bikaribin Şoreşa 19’ê Tîrmehê, şoreşa jinê domar bikin, pêdivî pê heye ku pergala Neteweya Demokratîk bi hemû rehendên xwe were birêxistnkirin û yekîtiya jinên li Sûriyê û Bakurê Sûriyê were avakirin.”
KJK’ê Şoreşa 19’ê Tîrmehê li Rêberê Gelê Kurd Abdullah Ocalan, li şehîdên Kurdistanê pîroz kir û got, ‘Şoreşa 19’ê Tîrmehê bûye şoreşa jinê’.
Koordînasyona KJK’ê bi daxuyaniyeke niviskî salvegera 7’an a Şoreşa 19’ê Tîrmehê ya Rojava-Bakurê Sûriyê pîroz kir. KJK’ê di daxuyaniya xwe de got, ‘’Bi 19’ê Tîrmehê re vîna gelan careke din vejiya û mirovahî bi kêliya dirokî re bi awayekî zanistî li nirxên xwe xwedî derketiye. Bi vî nirxî re jî pergala dayikê ku bi hezaran salan hatibû desteserkirin li Rojavayê Kurdistanê bi rengekî berbiçav xwe daye der.’’
KJK’ê bal kişandina ser rista jinê ya di Şoreşa 19’ê Tîrmehê de û got, ‘’Şoreşa 19’ê Tîrmehê bûye şoreşa jinê. Niha jî bûye modêlek ku her kes jê îlhamê distîne.”
KJK di daxuyaniyê de wiha got:
“Rojhilata navîn cihê ku mirovahiyê tîrêjên xwe lê avêtiye û ev tîrêj, ronahî û germahiya xwe daye her derê cîhanê, bûye cihê hemû şoreşên ku ji bo mirovahiyê jiyana xwe li ser berdewam dike. Kok ji vir derketiye,ev kok esîl e û tu carî wê taybetmendiyên xwe ji dest nede. Ew taybetmendî ku bi rengê jinê xwe daye der, mîna civakîbûn, hezkirin, edalet, wekhevî, demokrasî û hwd.
Lê bi hatina hişmendiya desthilatê, her tiştê xweşik, ku civakan xwe bi rê ve dibir serûbinî hev kir. Xwe li ser kolekirina jinê,dizî ,talan,kuştin,şer ava kir û her tim di nav civakan de pirsgirêk çêkir.
Pêngava 19’ ê Tîrmehê li Rojhilata Navîn, ew pergala ku dagirkeriyê sînor ji bo mirovahiyê ji hev perçe kiriye, bûye pêngavek ku dawî li vê pergala pençeşêrê aniye, ew hilweşandiye. Ev jî bi fikir û felsefeya Rêber APO kiriye, ku ev fikir û felsefe carek din rih daye mirovahiyê û ew ji xewa mirinê şiyar kiriye, mêjiyê ku mirî bûye, zindî kiriye û dilê ku gemarî bûye paqij kiriye. Ango bi 19’ê Tîrmehê re vîna gelan careke din vejiya û mirovahî bi kêliya dirokî re bi awayekî zanistî li nirxên xwe xwedî derketiye. Bi vî nirxî re jî pergala dayikê ku bi hezaran salan hatibû desteserkirin li Rojavayê Kurdistanê bi rengekî berbiçav xwe daye der.
Bi 19 Tîrmehê re jin weke gelewêja berbangê bi şewq bû û kir ku her kes bala xwe bide ser. Ji ber vê sedemê îro şoreşa 19 Tîrmehê bûye şoreşa jinê. Ji bo ku em bikaribin Şoreşa 19’ê Tîrmehê, şoreşa jinê domar bikin, pêdivî pê heye ku pergala Neteweya Demokratîk bi hemû rehendên xwe were birêxistnkirin û yekîtiya jinên li Sûriyê û Bakurê Sûriyê were avakirin.”