Kongreya Star a herêma Şehbayê di nav 4 mehan de 60 dozên jinê li navçeya Til Rifet çareser kir.
Piştî ku artêşa tirk ya dagirker Efrîn dagir kir welatiyên Efrînê neçar man ku ji herêmê derkevin û li herêma Şehbayê bi cih bûn.
Kongreya Star jî li herêma Şehbayê xwe ji nûve çalak û birêxistin kirin.
Kongreya Star pirsgirêkên jinan di dema şer de derketine çareser kir.
Kongreya Star di destpêkê de rewşa jinên Efrînê bi serdana malên şêniyên Efrînê berî û piştî koçberbûnê dişopand û her wiha hemû pirsgirêkên wan di dema şer de guhdar dikir.
Endama Rêveber a Kongreya Star li Til Rifetê Rîhane Elo destnîşan kir kir ku piştî şêniyên Efrînê ji malên xwe derketin, destpêkê gelek tevlihevî di xebatên wan de derketin, lê piştre endamên xwe komî ser hev kirin û dest bi jinûve rêxistinkirina Kongreya Star kirin.
Rîhane diyar kir ku wan 3 rêveber nûnerên Kongra Star li navçeyê erkdar kirine, komîteyên xwe weke komîteya lihevanînê ava kirin û her wiha di her komînekê de endameke jin ji bo karûbarên jinan erkdar kirine.
Di çarçoveya perwerdeyan de Rîhane diyar kir ku perwerde girîngtirîn gavên ku Kongreya Star pê rabûye. Heftê carekê perwerde li ser girîngiya perwerdê, şerê taybet û li ser koçberbûnê tên dayîn.
Rîhane anî ziman ku wan piştî qedandina xebatên rêxistinî dest bi lidarxistina civînan ji hemû komînan re ji bo şopandina rewşa jinê kirin.
Her wiha Kongra Star bi riya civînan pirsgirêkên jinan guhdar kir û pirsgirêkên wan çareser kir.
Rîhane da zanîn ku wan di nav 4 mehan de 60 dozên jinan çareser kirin…ANHA
Posta çûyî