Ahmet Aktaş
NEWROZ, cejna gelîrî ya dîrokî ya Kurdan a herî qedîm e. Bêgûman, dîsa xuya dibe ku bi dewama dîrokê re NEWROZ, li mala hemû gelan dibe mêvan.
Erê di serî de gelên Kurdistanê bi mezûbaniyek mezin û hêja mevanê NEWROZÊ pêşewazî dike. Li pey Kurdan hemû gelên herêmê, ji xwe re jî weke rohniya rizgariyê ya ji zulmê dibînin û lê dibin xwedî.
Qasî ku em bîrewer bûn û ji zaroktiyê ber bi hişmendiyê ve çûn, me navê vê roj û cejna dîrokî, weke bûyerek ku li dûr pêkhatibe û bi dengekî sist bihîst.
Hema li herêma ku ez, di despêka jiyana xwe de lê jiyam; Mêrdînê û derdorên wê, çend kesan wateya newrozê dizanîbûn û bi dizî, weke çîrokek ne pir watedar vedigot in.
Min cara yekê nav û bûyera Newrozê, bi hişmendiyek zanistî û dîrokî; bi rêkûpêk û dorfirehî ji Tevgêra Apoyî bihîst û fêr bûm.
Her wiha pêşewaziya vê rojê û şêwazê pîrozkirina wê jî, li pey vê agahdariyê têgihiştim û min dît.
Pîrozbahiya berê, çend kesan bi dizîkî ve ji civakê dur agirek pê dixist û pir kesan jînedizanî ka ew agir çima pêxistîn e.
Weke ku em dibînin Rêbar APO jî dibêje; cara yekê bû ku mîna civîna rêxistinî, me li ber bendava Çubuka Enqereyê, bi çend kesan ve, di roja Newroza 1973 de çêkir!
Her wiha dibêje,”me bi zanebûn û bi hişmendiya vê roja NEWROZÊ ev civîn çêkir!”
Li pey vê civînê, mînaka watedar a kiryarî ya di dîroka Tevgêrê de, dengveda û mohra xwe li pîrozbahiya ruhê NEWROZÊ da, çalakiya Mazlum DOGAN a zîndana Amedê (Newroza 1982) bû nûjenkirin û geşkirina agirê newrozê yê dîrokî.
Îca weke tê zanîn, berî vê Tevgêrê, li hemû Kurdistanê û derveyî welat, hema hema mirov dikare bêje Newroz, li gorî naveroka xwe ne dihat pîroz kirin. Yên dîrok û îro gihandin hev felsefeya Rêber APO ye. Her wiha di kesayetiya Rêber APO û Mazlum de, ev roja dîrokî bi saya vê Tevgêrê, di jiyanê de hat zindî kirin û bû hemdemî.
‘Bi çalakiya zîndana Amedê, Kawayê dîrokî Kawayê Hesinkar û Kawayê hemdemî Mazlum Dogan gihiştin hev.’
Her wiha dikare were gotin, bi saya Tevgera PKK’ê, dîroka Kurd û Kurdistanê ji nûve û li ser rastiya xwe tê nivîsandin.
Weke mînaka Newrozê, eger ev Rêber û ev Tevgêr nebûya, weke gelek rûmet û hêjayên Kurd û Kurdistanê, ev Newroz jî zindî nedibû û wê wenda biba.
Biyaniyan çawa piraniya ziman û çanda gelê Kurdistanê bişavtin û ji xwe re kirin mal, ev roja pîroz jî dikirin malê xwe.
Di vê sala nuh a 2023’an de, bi dirûşma “HER DER NEWROZ, HER DEM AZADΔ, gelek li bejna vê rojê tê û weke dewama dirûşma “BERXWEDAN JIYAN E” ye û layiqî çalakiya heval Mezlûm e.
Her wiha bi dirûşma JIN JIYAN ADAZÎ ya Rêber APO re, di şoreşê de him rola jinê û him rola NEWROZÊ derket qonaxa nuh û asta hîn bilindtir a herêmê û cîhanê. Êdî di vê asta dorfireh de, ev dirûşim tê qîrîn û him ev roj tê pîroz kirin.
Cejna Newrozê, despêkê li Rêber Apo, heval û şopdarên wî û kesên pêşengî ji vê pêngavê re kirine, pîroz be, dîsa li gelê Kurdistanê û mirovahiyê pîroz be.
