Hêvî Keleş/ Qamişlo
Hevseroka Şaredariya Qamişlo Bêrîvan Omer destnîşan kir ku ew serdana Parêzgeha Helepçeyê çêbû, bi armanca pîrozkirinê li Nuxşe Nasih ku wek yekem Waliya jin a wekaleta Helebçayê ye kirin û her du aliyan di derbarê hevkarî û peywendiyan de axivîn.
Şandeyek ji jinên Bakur û Rojavayê Kurdistanê ku ji Hevseroka Şaredariya bajarê Qamişlo Bêrîvan Omer, Hevseroka Şaredariya navçeya Peyas ya Amedê, Endamên TEJA Yê Hacer Ozdemîr, Zekiya Îlbasan û fatoş Yildiz her wiha Endamên Nûnertiya HDP’ê ya silêmaniya Fewziya Şîran û Muslim Kaplan pêkdihat, serdana Waliya Helebceyê Nuxşê Nasih kirin.
Derbarê naveroka serdana şandeya jinên bakur û rojavayê kurdistanê ji Waliya Helebceyê Nuxşe Nasih Hevseroka Şaredariya Qamişlo Bêrîvan Omer ji Rojnameya me re axivî.
‘Yekem waliya jin a bakûrê Iraqê Nuxşe Nasih hat pîrozkirin’
Hevseroka Şaredariya Qamişlo Bêrîvan Omer anî ziman ku di serdana wan de pîrozbahî li Nuxşe Nasih hat kirin û wiha got: “Di serdana me de pîrozbahî li Nuxşe Nasih hat kirin, ku wek yekem Waliya jin a bi wekalet ya Helebçeyê ye û ji ber parêzgehbûna Helebçeyê jî pîrozbahî li xelkê Helebçeyê hat kirin. Me hevdîtinek bi parêzgeha Helebçayê re çêkir wek yekemîn parêzgeh ji Bakurê Iraqê, me danesîna tecrîba xwe û ya wan û em çawa bikaribin di demên pêş de vê hevaltiyê li ser esasê ji hevsûdgirtin û hevnaskirin bikin û di derbarê pêşxistin û zêdekirina hemahengî de axivîn. Em li Kurdistanê çend rojan man bi armanca tevlî 1’emîn Kongreya Hevgirtina NADA bibin ku di navbera 15-17’ Gulanê de li Silemaniyê hat lidarxistin.”
‘Em bi hêvî ne ku yekîtiya Şaredariya ava bikin’
Bêrîvan Omer axaftina xwe wiha qedand û got: “Em dixwazin tekîliyeke xort li ser esasê xebatên şarederiya bidin meşandin. Tekîlî bi gelek Şaredariyê cîhanê re hene, weke Elmaniya û Dêrik û Ferensa û Reqa jî. Me dixwest ku li Rojhilata Navîn vî karî destpêbikin lê zehmetî hebûn, ji ber sîstema şert û mercên Kurdistanê di demên çûyî ku em bikaribin hevaltiyekê Şaredaiya û çûnûhatinekê çêkin, lê piştî Konfiransa Yekrîziyê û Banga Dîrokî a Rêber Abdullah Ocelan gelek tişt hatin guhertin û me gavin nû avêtin. Yek ji wan gavan jî hevaltiya Şaredariyê Kurdistanê, me wek jin destpêkir, em dixwazin ji hev sûd bigrin. Em bi wê hêviyê ne ku ev serdan ne ya dawî be û em bikaribin ku hevdîtinên bi her çar parçeyê Kurdistanê re hebe û bikaribin yekîtiyek xwe ya Şaredariya avabikin li ser esasê hevdû xurtkirin
