Komîteya Tenduristiyê ya Meclîsa Sivîl a Reqayê pêngava duyemîn a hemleya aşîkirina zarokan da destpêkirin.
Komîteya Tenduristiyê ya Meclisa Sivîl a Reqayê ji bo ku zarok bi nexweşiyên sorik û felicê nekevin pêngava aşîkirinê dabû destpêkirin. Komîteyê pêngava duyemîn a hemleyê da destpêkirin.
Di çarçoveya hemleyê de, tîmên aşîkirinê ku hejmara wan 30 tîm in, li gelek navendên tenduristiyê yên ku ji aliyê komîteyê ve hatine vekirin zarokên ji temenê 7 meh heta 6 salan aşîkirin.
Serokê Komîteya Tenduristiyê ya Meclîsa Sivîl a Reqayê Ehmed Îsamîl diyar kir ku armanca pêngavê parastina tenduristiya zarokan e û her wiha piştî hejmarek zarok bi nexweşiya sorikê miri bûn pêngav dane destpêkirin. Ehmed anî ziman ku wê pêngva aşîkirinê berdewam bikin. Tê payîn ku pêngav heta 26 vê mehê bidome.
Pêngava aşîkirina zarokan didome
