Kesayet, siyasetmedar û endamên opozîsyonê yên tev li Foruma Danûstandinê ya Sûrî-Sûrî ku li Girê Spî tê lidarxistin, bûn di beşa yekem a forumê de ku bi navê “Bingeha dîrokî û aloziya Sûriyê” pêk hat, tekez kirin ku siyasetên ku rêjîma Baas bi feraseta yek al û yek netewe dimeşîne, bû sedema ku aloziya Sûriyê kûr bibe. Beşdaran her wiha destnîşan kir ku pêkan e ku sîstema nenavendî bibe sedema derxistina Sûriyê ji aloziya heyî.
Foruma Danûstandinê ya Sûrî-Sûrî li navçeya Eyn Îsa ya kantona Girê Spî (Til Ebyed) bi beşdariya hejmareke zêde ji kesayetên siyasî û muxalîfên ji gelek bajarên cuda û herêmên Sûriyê bi dirûşma “Danûstandina Sûrî-Sûrî hevdîtina avaker e” pêk hat.
Di beşê yekem a forumê ku bi navê “Bingeha dîrokî û aloziya Sûriyê” hate lidarxistin.
Foza Yûsif di forumê de axivî ev tişt anîziman: “Sûriya beşek ji Rojhilata Navîn e, gelek zehmetî û zordarî ji kiryar û siyasetên lê hatin meşandin, kişandin. Dewleta neteweyî ku di sedsala 20’an de hate avakirin, bû sedema aloziya ku niha li herêmê pêk tê. Netewedewlet li ser esasê înkar û redkirina pirrengiya di nava civakê de hatiye avakirin. Hîmên wê yek netewe, yek al û yek ol e, ev jî dibe sedema aloziya herêmê kûrtir bibe, ji ber ku li ser esasê dîktatoriyê hatiye avakirin. Em hemû li ser vê erdnîgariyê dijîn, lê em heta niha nebûne xwedanê welatekî. Sûriyê ne bûbû welatekî hevbeş ji bo hemû pêkhateyên xwe.”
Sedema aloziya Sûriyê navendîbûne
