Li Minbicê Rêveberiya Sivîl a Demokratîk lidarxistina civînan ji welatiyên herêmê re didomîne.
Li Minbicê Rêveberiya Sivîl a Demokratîk li Meclisa Sivîl a navçeya Ebû Qelqel bi armanca nirxandina aliyê xizmetguzarî li navçeyê, civînek ji şêniyan re li dar xist.
Cîgira Hevserokatiya Komîteya Tenduristiyê Mûna Zekeriya, hevserokê Komîteya Şaredariyan Ebdulcelîl Îbrahîm, yek ji rêveberên Meclîsa Rêveberiya Xetan Fatma Beko, endamên Meclîsa Dada Civakî û bi dehan şêniyên navçeyê beşdarî civînê bûn.
Endamên rêveberiyê li xwestek û pirsên şêniyan ên di aliyê xizmetguzariyê de guhdar kirin.
Hevserokê Komîteya Aborî Mihemed Sebrî diyar kir ku ew wek Rêveberiya Sivîl a Demokratîk hewl didin pirsgirêkên şêniyan çareser bikin û li nêrîn û pêşniyarên wan guhdar bikin, her wiha destnîşan kir ku wê li gorî derfetên xwe pirsgirêkên şêniyan çareser bikin…ANHA
Rêveberiya Sivîl bi gel re civînan lidardixe
