Navenda Nûçeyan
Di erdhejeke dijwar de li Bakurê Kurdistanê bi hezaran avahî hilweşiyan û bi hezaran kesan jiyana xwe ji dest dan û birîndar bûn. Hikumeta AKP-MHP’ê jî di vê rewşêde jî dijminahiya gelê kurd dike; bajarên Bakurê Kurdistan paşguh dike û ji aliyê saziyên dewletê ve hê tu alikarî ne gihiştine pir tax û bajaran.
Di sibeha 6’ê Sibatê de, seat 04.17’an de li navçeyan Pezercixê ya Bakurê Kurdistanê erdhejek diwar bi pileya 7.8 pêk hat. Piştî wê erdhejê saet di 04.26’an de jî li navçeya Nurdagi ya bajarê Dîlokê erdhejek duyemîn a bi pîleya 6.4 pêk hat.
Erdheja dijwar, di serî de bajarên Amed, Meletî, Riha, Semsur, Dîlok û gelek deverên din ên Bakûrê Kurdistanê, bajarên Edene, Hatay, Kilîs, Osmaniye û Qeyserî ên Tirkiyeyê hejand û di encamê de bi hezaran avahî hilweşiyan. Li gorî daxuyaniya AFAD’ê hejmara mirovên ku jiyana xwe ji dest dane, gihîştiye 3 hezar û 381 kesî û 20 hezar û 426 kes jî birîndar bûne. Herwiha 7 hezar û 840 kes jî bi saxî hatine rizgarkirin. Lê ji ber ku heta niha pir kes ku bi zalalî hejmar nayê zanîn, di avahiyên hilweşiyayî de mane jimara qurbaniyan, bi giştî nayê zanîn.
Li gorî AFAD’ê ji duh ve li Pazarcixê ji duh ve zêdetirî 130 erdhejên biçûk çêbûne.
Hukumeta AKP-MHP’ê felaketên xweza jî li gor berjewendiyên xwe bikar tîn e!
Hikumeta AKP-MHP’ê wekî her car hewil dide ku bûyer yan jî felaketên ku diqewmin bixe berjewendiyên xwe yên desthilatdariyê. Lewma li gor axifftin û ragihandina profesorên jeolojî yê, yên Tirkiyê pir caran berpirsyar di derheqê vê erdhejê de şiyar kirin e û ji bo pêşîlêgirtinê jî, pir piroje pêşkêşî kirîne. Lê dîsa jî, rûdana erdhejê re tedbîrên pêwîstî nehatîne girtin û niha jî alîkariya pêwîst ji mexdurên erdhejê re nayê kirin.
Heta dema nivîsandina vê nûçeyê jî hikumeta AKP/MHP’ê tîmên rizgarkirinê neşandiye gelek navçeyên Bakurê Kurdistanê û li wan navçeyan tenê welatî bi derfetên xwe yên kêm hewil didin ku kesên di bin avahiyan de mane, rizgar bikin. Herwiha desthilatdariya AKP-MHP’ê vê carê jî ferz dike ku alîkariya mirovî bi rêya AFAD’ê bê kirin û bi vî rengî nehêle ku alîkarî kom dibe bigihêje mexdûrên rasteqîn ku destpêkê bigihêje alîgirên wê û di nava felaketeke wisa de jî bi du tunekirina kurdan ketiye!
Felaketa erdhejê
– Li gorî agahiyên ku hatine bi destxistin, li Antakya, Kirikhan, Defne, Samandag û Skenderûnê jî bi hezaran kes di binê xirbeyê avahiyan de mane. Herwiha çalakvanên bajêr li ser medyayên civakî diyar kiribûn ku li piraniya avahiyên bajarên ku lê erdhej çêbûyîn, zerar dîtine.
– Li gorî ku hatiye ragehand li Dîlokê jî heta niha 533 avahî hilweşiya ne û 200 kesî jî, jiyana xwe ji dest dane. Li navçeyên Nûrdagi, Îslahiye û Şehîtkamîl hîn jî karên lêgerîn û rizgarkirinê dewam dikin. Li beşeke mezin a bajêr elektrîk qut bûye, şêniyên herêmê li rawestgehên otobusan, li parkan û kêleka rê hewl didin bi derfetên xwe agir dadin û xwe germ bikin. Li navenda bajêr Jî mirov ji bo bidestxistina Sûtemeniyê û nan ketine rêzê. Li gorî agahiyan heta niha ti alîkarî negihîştiye herêmê.
– Li Semsûrê jî ji ber erdhejê bi sedan avahî hilweşiyane, gel bi derfetên xwe karê rizgarkirinê dimeşîne. Di nava rojê de bi dehan kes ji binê xirbeyan hatin derxistin, tê gotin ku hîn jî bi sedan kes di binê xirbeyan de ne. Karê ku gel bi derfetên xwe dikir bi şevê û baranê re sekinîn. Tevî ku demeke dirêj di ser rûdana erdhejê re derbas bûye, hîn jî tîmeke rizgarkirinê negihîştiye bajêr.
– Elbistanê jî para xwe ji erdhejê girt û nîvê avahiyên li navenda navçeyê hilweşiyan û zerareke mezin dîtin. Li navçeyê hejmara windahiyan di asteke bilind de ye. Li gundên Elbistanê jî di asteke metirsîdar de hilweşîn çêbûye û hîn jî tîmên lêgerîn û rizgarkirinê negihîştine herêmê.
– Li Amedê li navçeyên Rezan, Bajarê Nû û Peyasê 7 avahiyên hilweşiya ne, karên lêgerîn û rizgarkirinê dewam dikin. Li gorî daneyên fermî yên nexweşxaneyên dewletê, li Amedê 49 kesan jiyana xwe ji dest dan, 562 kes jî birîndar bûn e.
– Li Riha û navçeyên wê jî gelek avahî ji ber erdhejê hilweşiyan. Li navenda bajêr û navçeyên Hewag, Berecûk, Pirsûsê 60 avahî hilweşiyan. Li navenda Rihayê li navçeyên Halîliye û Eyûbiyeyê nêzî 20 avahî hilweşiyan û gelek kes di binê xirbeyê avahiyan de mane.
Alîkariya welat erkê her Kurdekî ye
Rewşa heyî ya walatiyên Tirkiyê teqez kir ku dewlet û saziyên dewletê ji bo berjewendî û pêvîstiyên gel ne hatîne avakirin. Ji bo kesên di desthilatê de û saziyên wan hatîne avakirin. Hemû derfetên ku di di walad de bi dest xistîne jî dîsaji bo gel nayên bi karanîn û koma desthilatê û derdorên wan ji bo ku xwe dewlemend bikin û li her walatekê qesra ava bikin, dewlet hatine avakirin!
Hejayê bîranînê ye ku partiya HDP’ê û KCK’ê bangawaziya gel kir ku xwe bi hêviya wijdana dewleta AKP/MHP ve nehêlin û gel bixwe xwedî li hev derkeve û alikariya hev bike.
