Ji bo rakirina tecrîda giran ya ser Rêberê Gelê Kurd Abdullah Ocalan, gelên herêma Şehbayê pênagava komkirina Imzeyan dan destpêkirin. Welatiyên Şehbayê diyar kirin ku bi saya berxwedana Rêber Apo û têkoşîna gel, wê meşa azadiyê dewam bike û ew ê Komploya Navnetewyî têk bibin.
Navenda Nûçeyan/ Şehba
Li hemberî Komploya Navnetewî û ji bo azadkirina fîzîkî a Rêberê Gelê Kurd Abdullah Ocalan, gelên bakur û rojhilatê Sûriyê her sal di meha Sibatê de pêngavên komkirina imzeyan didin destpêkirin. Îsal jî bi nêzîkbona salvegera Komploya Navnetwî, ji bo rakirina tecrîdê û azadiya fîzîkê a Rêber Apo, pêngava komkirina imzeyan li seranserî bakur û rojhilatê Sûriyê hat destpêkirin. Li Şehbayê jî, bi pêşengiya Meclîsa Gîştî û Tevgera Ciwanên Şoreşger, pêngav hat destpêkirin û welatiyên herêmê bi awayekî çalak tevlî pêngavê dibin.
Têkildarî mijarê endamên Tevgera Ciwanên Şoreşger Zîn Henan, herwiha endamên Meclisa Ahdas Raniya Ebdullrihman a herêma Şehbayê ji me re axivîn.
’ Wê gelê Apoyî li qadan be û têkoşînê xurtir bike’
Zîn Henan diyar kir ku ji bo azadiya fîzkî a Rêber Apo ew ê asta têkoşîna xwe bilintir bikin û got: “Dewleta Tirk a dagirker û hevalbendên wê yên faşîst, dixwazin bi girankirina tecrîdê re Rêber Apo û gelê Kurd ji hev qut bikin. Herwiha dixwazin îradeya ku Rêber Apo di gelê Kurd de ava kirî, ji holê rakin. Lê bi saya berxwedana Rêber Apo, planên wan bê bandor dibin. Îro bi 10 hezaran ciwan li ser xeta îdeolojiya Rêber Abdullah Ocalan dimeşin û li dijî dagirkeran têkoşînê dikin. Ev pêngava ku me daye destpêkirin, isbat dike ku tu kes nikare fikrê Rêber Apo bê bandor bike. Me ji cîhanê re isbat kir ku ji bo têkbirina Komploya Navneteweyî em ê têkoşînê xurtir bikin û heta ku Rêber Apo azad nebe wê gel li qadan be.”
’Fikrên Rêber Apo navenda çareserkirina tevayiya pirsgirêkên
Rojhilata Navîn e’
Endama Meclisa navçeya Ehdasê Raniya Ebdullrihman jî da zanîn ku ew ê di meşa azadiya Rêber Apo dewam bikin û wiha got: “Di vê pêvajoyê de, fikrên Rêber Apo navenda çareserkirina tevayiya pirsgirêkên Rojhilata Navîn e. Lê ji bo ku pirsgirkên Rojhilata Navîn çareser nebin, hêzên komploger tecrîda li ser Rêber Apo girantir dikin û dixwazin wî ji gel qut bikin. Em jî soz didin ku em ê li hemberî tecrîdê asta Têkoşînê bilindtir bikin û hesaba vê tecrîdê ji komplogeran bixwazin. Herwih bi saya berxwedana Rêber Apo û têkoşîna gel, wê meşa azadiyê dewam bike û komplo jî wê têk biçe.”
