Navenda Nûçeyan
Têkoşîna YPJ’ê deng li cîhanê veda û bi dehan jin ji welatên cîhanê berê xwe dan nava refên Yekîneyên Parastina Jinê. Ji bo ku jin bikarin hêz û hebûna xwe di hemû aliyan de îspat bikin, avakirina YPJ’ê ji bo hemû jinan bû pêngavek mezin.
piştî salên dûr û dirêj ji çewisandin û paşguhkirinê , bi destpêkirina Şoreşa Rojava ya 19’ê Tîrmeha 2012`an re, jinên Kurd yên Rojava Têkoşîna jinan derbasî qonaxeke nû kir. Jin tevlî nava saziyên rêveberiya herêmê bûn. Herwiha bi avakirina Yekîneyên Parastina Gel (YPG) re, jin li Rojava bi coşeke mezin beşdarî nava refên YPG’ê.
YJA Star bingeha şoreşa azadiya jinê ye
Ji ber ku gerîlayên YJA Star xwedî ezmûnek bi salan dirêj ji têkoşîn û berxwedanê ne. YPJ’ê di aliyê xwe rêxistinkirin û perwerdeya leşkerî de, ew ji bo xwe kirin mînakek bingehîn. Li ser wê binghê tabûrên leşkerî yên taybet yên jinan hatin avakirin. Tabûra yekemîn li navçeya Cindirêsê ya Efrînê bi navê Tabûra Şehîd Rûken hat avakirin. Piştî wê li Dirbêsiyê tabûra Şehîd Berçem, li Dêrikê tabûra Şehîd Sozdar û li Qamişlo tabûra Şehîd Edalet, hatin damezrandin. Yekem akadîmiya leşkerî ya taybet ya jinan jî, akadîmiya Şehîd Şîlan ya Dêrikê bû û dewreya yekê bi navê Şehîd Rêvan di 9’ê Gulana 2013’an de bi dawî bû.
Damezrandina YPJ’ê
Lewra piştî li seranserî herêmê tabûrên jinan hatin avakirin, 2’ê Nîsana 2013`an YPJ`ê li bajarê Dêrikê konferansa xwe yekemîn li dar xist. ji ber ku 4’ê Nîsanê roja rojbûna Rêberê Gelê Kurd Abdullah Ocalane, gelê Kurd û bi taybet jinên Kurd vê rojê roja vejîna xwe bi nav dikin, di 4’ê Nîsana 2013’an de damezrandina Yekîneyên Parastina Jin (YPJ) li Rojava hate ragehandin.
Stêrka YPJ’ê geş bû
Ji dema êrîşên Cebhet El-Nusra û Ehrar El-Şam li dijî Kobanê, Serêkaniyê, Cezaa, Til Hemîs, Til Birak û Til Temirê sala 2013’an ve, YPJ’ê roleke sereke lîst û di vê rê de şehîd dan Dema komên çete di 25’ê Gulana 2013’an de, êrîşî gundewarên Efrînê kirin, di berxwedana li hemberî êrişan de, Şehîd Silava Efrîn bû şehîda yekem ya YPJ’ê
YPJ’ê ji Kobanê heta Dêra Zorê, tarîtiya DAIŞ’ê têk bir
Piştî êrîşên DAIŞ’ê yên li dijî Kobanê yên 15’ê Îlona 2014’an, YPJ têkoşîneke bê hempa meşand û rola wê di rizgarkirina Kobanê ji çetreyan sereke bû. Bi wê re jî YPJ, bala cîhanê tevî kişand û bû sembola berxwedan û têkoşîna jinê. Li ser wê bingehê gelek jinên cîhanê tevlî nava refên YPJ’ê bûn, mîna şehîda Almanî Ivana Hoffman ku 7’ê Adara 2015’an, şehîd bûbû.
Rola YPJ, beşdarî pêngavên QSD`ê yên li dijî DAIŞ`ê ku li Holê, Minbicê, Tebqa, Reqa û Dêrazorê dan meşandin bûn û rola wê sereke bû. Di 2018an dema ku dewlleta Tirk ya dagirker êrîşê Efrîn kir, YPJ’ê berxwedaneke dîrokî raber kir. Weke dewama komploya navnteweyî jî dewleta Tirk 2019’an êrîşî Girê Spî û Serê Kaniyê kir, YPJ’ê weke her carê canê xwe ji parastina xak û civakê kir, li wir jî heya dawî têkoşîn kirin. YPJ di hemû pêngavên xwe de fikir û felsefeya Rêber Ocalan ji bo xwe kiriye armanc.
Şoreşa Rojava bi Şoreşa Jinê hat pênasekirin, di 8’ê Sibata 2015’an de Fermandara wê demê ya YPJ’ê Nesrîn Abdulla serdana Fransayê kir û bi serokkomarê wê demê François Hollande re civiya. Fransa Hollande, ji fermandara YPJ’ê Nesrîn Abdulla re got; “Piştî Napalyon tû yekem kesî ku bi cil û bergên leşkerî ve hatî nav koşka komara Fransayê.”
Herwiha heya niha bi dehan film li ser berxwedana şervanên jin hatine amadekirin. Saziyên ragihandinê yên cîhanê, ji bo ji nêz ve berxwedana şervanên YPJ’ê bibînin, berê xwe dan Rojavayê Kurdistanê.
YPJ’ê nasnameya tevhî jinên Cîhanê misoger kir
YPJ’ê bandoriya xwe weke parêzvana mîrasa jinê da çêkirin. Ji ber ku ji destpêka avakirina wê heya roja me ya îro YPJ’ê her tim misyona xwedî derketina mîrasa jin parast, xwe şopdarê û xwedî wê didît, xwe dewamkirina wê didît û bi vê berpirsyartiya kûr her tim pêşengtî girte ser xwe. Ji ber vê yekê jinên li herêmê û cîhanê hêvî, bawerî, tecrîbe, hêza cesarete û lêgerîna nasnameyê ji YPJ’ê girt. Mînakên wê yên ber bi çav jî têkoşîna jinên efxan û serhildana jinan li Rojhilatê Kurdistan û Îranê ye. Tekoşîn û serhildanên ku niha jinên îranê didin meşandin, tekoşînekî azadî û demokrasiyê ye, tekoşînekî ji bo parastina hebûn û mafê jinê ye. Têkoşîna jinê ne tenê ji bo jin e, tekoşîna jin ji bo civakê. Tekoşîna jin ji bo demokrasî û azadiyê ye, ji bo jiyanekî bi wate ye. Ji bo vê hemû berhemê ku ji tekoşîna jin derkeve holê wê rûhê civakbûnê di nava xwede bigre û herkes wê jê sûd werbigre û yê bikeve xizmeta mirovahiyê de.