Xwêndekarên herêma Şehbayê dorpêça hikumeta Şamê ya li ser herêmê ku bûye sedema girtina dibistanan bi tundî şermezar kirin û gotin, rêxistinên navneteweyî û yên mafên zarokan xwedî li zagon û pîvanên xwe dernakevin
Zana Roj/ Şehba
Dorpêça hikumeta Şamê ya li ser herêma Şehbayê roj bi roj girantir dibe û herêmê ber bi encamên xerabtir ve dibe. Di encama ampargoyê û qedexekirina derbaskirina madeya sotemeniyê ji bo herêma Şehabyê, ji beriya 3’ê hefteyan ve û heta niha tavahî dibistanên herêmê hatine girtin û şagirt ji xwendina xwe dûr ketine. Tevî hikumeta vŞamê bi embargoya li ser herêma Şehbayê zagonên navneteweyî û yên mafê zarokan binpê dike jî, lê teviyiya rêxistinên navneteweyî bêdeng mane û ti helwestê nîşan nadin.
Bi armanca şermezarkirina dorpêça Hikumeta Şamê ya li ser herêma Şehbayê, îro li herêma Şehbayê bi serpereştiya Destya Perwerde û fêrkirinê rêzeçalakî ji aliyê xwendekaran li dibistanên gundê Maratê, Ehdas, kampa berxwedan û Babinês hatin li dar xistin û daxuyanî hatin dayîn.
Xwendekaran di daxuyaniya xwe de diyar kirin ku li herêma Şerhbayê bi hezaran xwendekar bi hemû pêkhateyan ji xwendina xwe bê par mane û wiha gotin: “Ji ber doroêçkirina herêma Şehbayê ji aliYê hikumeta Şamê ve û nebûna sotemeniya germkirinê li dibistanan û gelek pêdiviyên jiyanî, bi hezaran xwendekar ji perwerdeyê dûr ketine.Ev dorpêçkirin binpêkirineke ji mafên mirovan re, herwiha mafê zarokan. Eger dorpêç neyê rakirin wê bibe sedema qewimandina gelek kerasetên mirovahî .”
Xwendekaran dan xuyakirin ku êrîşên dewleta Tirk yên ser herêmê bênavber dewam dikin û dibistan jî tên hedefgirtin û wiha dewam kirin: “Di encama êrîşên dewleta Tirk de gelek dibistan hatin wêrankirin gelek zarok jî hatin kûştin mînaka wê jî komkûjiya zarokênTil Rifetê ye.”
Xwendekaran dorpêç û êrîşên ser herêmê, herwiha bêdengiya rêxistinên navneteweyî bi tundî şermezar kirin ûgotin: “Em bang li hemû cîhan, rêxistinên navneteweyî û mafê zarokan dikin ku bi pîvan û zagonên xwe binpênekin û li hemberî ambargoya hikumeta Şamê bêdeng nemînin.”
Di dawiyê de bi siloganên Şerm ji bo dorpêçê, şerm ji bo bêdengiya rêxistinên mafê zarokan û mirovan çalakî bidawî bû.