Navenda Nûçeyan
Gerîla TV dîmenê termê leşkerê dagirker yê bi navê Mûstafa Bazna weşand û bîr xist ku ev leşker li Qada Berxwedanê ya Girê Fm a Metînayê de hatibû cezakirin.
Hejayê bîrhistinê ye ku HPG’ê di 7’ê miha Kanûnê de bi daxuyaniyekê ragihan ku di çalakiya 3’ê Mijdarê de ya li Metînayê termê leşkerê bi navê Mûstafa Bazna di destê wan de ye. Herwiha da zanîn ku dewleta Tirk hejmara leşkerên xwe yên mirî vedişêre û HPG’ê di daxuyaniyê de wiga gotibû: “Me di daxuyaniya xwe ya 4’ê Mijdarê de diyar kiribû ku di 3’ê Mijdarê de saet di 12.20’an de di çalakiya li Qada Berxwedanê ya Girê FM a Metînayê ku nêzî navçeya Amêdiyê ya Başûrê Kurdistanê ye, me cenazeyê leşkerekî, alavên wî yên leşkerî û telefona wî ya destan desteser kiribû. Agahiyên termê leşkerê di destê me de wisa ne. Navê wî Mûstafa Bazna ye, navê dê û bavê wî Dondu û Ramazan e, di 14’ê Gulana 1996’an de li Duzceyê ji dayik bûye û nimreya nasnameya wî 13082287382 ye. Lêbelê hatiye zanîn ku mirina vî leşkerî ji raya giştî û ji gelên Tirkiyeyê hatiye veşartin. Her çiqas li hemberî me rastiya dijmin a ku mirovayetiya xwe ji dest daye heye em Hêzên Parastinê yên Gel ên Kurdistanê li gorî exlaqê mirovayetiyê, nirxên hevpar ên gelan û qanûnên şer tevdigerin û heke were xwestin em dikarin bi rêya sivîl an jî saziyên civakî yên sivîl termê leşkerê bi navê Mûstafa Bazna teslîmî malbata wî bikin.”
Piştî vê daxuyaniyê, dîsa HPG’ê bi rêya Gerîla TV dîmenê termê leşkerê Tirkiyê yê bi navê Mûstafa Bazna weşand û bi vî dîmenî dîsa teqez kir ku termê leşker hê di destê wan de ye. Herwiha gerîlayên HPG û YJAStar’ê yên di dîmen de axiftîn diyar kirin ku ew di tekoşîna xwe de mafdarin û gotin: “Em ji bo mafê xwe yê azadiyê şer dikin û em li ser xaka xwe vê tekoşînê dimeşînin. Yê ne mafdar û êrişê hebûname dike dewleta tirk ya faşîst e. Emê heya dawî jî vê tekoşîna xwe ya azadiyê bimeşînin. lewma bangawazîya me ji bo malbat, dê û bavên van leşkeran ewe ku ji bo emelên faşîzma dewletê zarokên xwe neşînin mirinê. Her kî bê ser xaka me û êrişê me bike dawiya vî wê wek vîleşkerî be.”