Navenda Nûçeyan
Xwepêşandanên Rojhilatê Kurdistan û Îranê bê navber dewam dike. Li hemberî xwepêşanderan rêjîma Îranê girtin, işkencekirin û kuştinê jî didomîne.
Serhildanên gel yên li Îran û Rojhilatê Kurdistan li beramberî hemû zext girtin û kuştinan berdewam dike. Di encama serdegirtinên malan yê li beramberî kesîmen cuda yên civakê de, gelek kes hatin binçavkirin û girtin.
Bi qetilkirina keça Kurd Jîna Emînî ya 22 salî, li tevayiya bajarên Rojhilatê Kurdistanê û gelek bajarên Îranê agirê serhildanê vêket û ev serhildan heta roja îro jî bi awayekî berfireh dewam dikin. Rêjîma Îranê jî li hemberî xwepêşandanên gel xwe negire û li dijî xwepêşandanan kuştin, şidet û binçavkirinê dike.
Gelek welatî bi sedema beşdarbûna xwepêşandanan , ji aliyê rêjîma Îranê ve bi ser malên wan de hat girtin û hatin binçavkirin.
Li Îranê serhildanên ku li seranserî welat destpêkirîn heta niha ji 50’an zêdetir rojnamevan hatin girtin. Li gora rapora federasyona rojnamevanên navnetewî (IFJ) tenê ji vana 20 rojnamevan bi kefaleta demkî hatin berdan û hîna jî gelek rojnamevan tên darazandîn. Li gorî agahiyan ku li ser torên civakî hatine belavkirin rojnamevanê bi navê Nastern Farkhe bi kefaletê demkî hatiye berdan
Herwiha li gorî agahiyan li Kermanê du jînên bi navê Roha Îmanî û Firoza Sultan hatin girtin. Di serdegirtinên malên wan jinan de hat zanîn ku dest danîne li ser alavên wan yên şexsî yên weke leptop, telefon û pirtuk jî di navde.
Hat zanîn ku endamên lêjneya weqfa nivîskarên Îranê Rouzbeh Sohanî û Aida Omidi jî hatin girtin.
Li gorî agahiyên ku hatine belavkirin di serdegirtinên malan yên Rebatê de ji 16’an zêdetir hemwelatî hatine girtin. Hat zanîn ku polîsên Îranê di ser gelek malan de girtine û ew malên ku serde girtine jî ziyan gihandine derî û pencerên malan û diwar xira kirin. Li gora zanyariyên di dema serdegirtina malan de û di bin navê lêgerinê de amurên di nava malê de parçe kirine û hêcetên wan yên girtinan ji ber di torên civakî de dimen parve kirin û beşdarî meşan bûne.
Hunermenda şêwekariyê Hîro Şêxîslam Jî ji bo piştgirîdayîna serhildanên gel pêşangehek ji bo jinan çêkir û di tora xwe ya dîjîtal de belav kir. Li gora rapora koma mafê mirovan ya Kurdistanê KMMK diyar kir ku di 5’ê Kanunê de hunermenda şêwekariyê Hîro Şêxîslam ya xelkê Sine piştî êrîşên hêzên emnî yên rejîma Îranê li ser mala wê de ew girtin û birin cihek ne diyar.