Navenda Nûçeyan
Komeleya Hiqûqnasên Ji Bo Azadiyê (OHD) diyar kir ku li Girtîgeha Îmraliyê hiqûqa navneteweyî tê binpêkirin. Herwiha ji ber bêdengiya CPT û neeşkerekirina rapora xwe ya îmraliyê bi milyonan kes bi hebûna CPT’yê ketine gumanan!
Rêberê gelê kurd Abdullah Ocalan 23 sale di bin şert û mercên giran ên tecrîdê de li Girtîgeha Îmraliyê ya Tîpa F a Ewlekariya Bilind tê ragirtin, ev 20 meh in tu agahî jê nayên girtin. Herî dawî heyeta Komîteya Pêşîgirtina li Îşkenceyê ya Ewropayê (CPT) di navbera 20-29’ê Îlonê de çû Girava Îmraliyê û eşkere kiribû ku bi Ocalan û 3 girtiyên din re hevdîtin kiriye. Lê CPT têkildarî rewşa Rêber Ocalan û her 3 girtiyên din tu agahî parve nekir û Parêzerên Rêber Ocalan jî diyar kirin ku CPT’ê ji wan re gotiye ‘Ocalan hevdîtinê red kiriye’.
Komeleya Hiqûqnasên Ji Bo Azadiyê (OHD) da zanîn ku li Îmraliyê hemû qanunên huqukî tên binpê kirin.
OHD di daxuyaniya xwe de da diyar kirin ku ew ji rewşa Rêber Ocelan bi gumanin û got, divê CPT demildest rapora xwe ya çoyîna Îmraliyê ragihîne û bi raya giştî û saziyên navneteweyî re parve bike. herwiha da zanîn ku berdewamiya bêdengiya CPT’iyê dê hebuna wê bêxe rewşeke biguman.
Kurd û dostên wan li her deverê cîhanê li dijî tecrîdê li qadan e
Li dijî tecrîda bê huquq û bêdengiya CPT’iyê, li Kurdistanê û li her deverê cîhanê kurd û dostên wan daketîne qadan û banga CPT’iyê dikin ku bi erka xwe rabe. Herwiha bêdengiya CPT’iyê wek piştgiriya bê huquqiyê tê pênasekirin. Gel bi rêya çalekiyên xwe bang dike û dibêje: Tecrîda li ser Rêber Apo û bêdengiya dewletên cîhanê vala derxistina mafên mirovahiyê ne. Herwiha ev yek dibe sedemê dagirkeriya dewleta tirk û xurtbûna faşîzmê. Herwiha bi rêya pankartên çalekiyan û daxuyaniyan de hat diyarkirin ku ev bêdengiya CPT herkes di derheqê erka xwe de xistiye gumanan û lêpirsîna ‘gelo CPT piştgiriya kê dike’, pêş dikeve.