Endamê rûsipiyên eşîran yên herêma Efrînê Hecî Mistefa diyar kir ku êrîşen dewleta Tirk ya dagirker tevayiya gelên herêmê dike armanc û got, li hemberî êrîş û planên qirkirina gelan emê asat têkoşînê mezin bikin û dagirkeran têk bibin.
Navenda Nûçeyan/ Şehba
Dewleta Tirk ya dagirker di 19’ê Mijdarê de êrîşî herêmên seranserî herêmên Bakur û Rojhilatê Sûriyê kir, di van êrîşan de bi awayekî plankirî navendên betrolê, kargeha gazê, embarên genim, dibistan û herî dawî jî mezgeft hatin hedef girtin. Di encamê de bi dehan wwelatî birîndar û şehîd bûn, gargeha gazê û navendên sotemeniyê ji kar derketin, hin dibistan û gelek malê welatiyan hatin rûxandin. Li hember van pilan û êrîşan, helwesta hêzên QSD û tavahî gelêN herêmê zelal derket holê. Gelên herêmê bi biryadarî diyar kirin ku li hemberî her êrîşekî ew ê bi hemû hêza xwe persîvdayînên xurt bidin, lewra bi hezaran gelê herêmê ji Şehba ta Dêrîkê gel li pişta hêza xwe daketin qadan.
Derbarê êrîşên dewleta Tirk ya dagirker yên ser herêmê ku rojane dewam dikin, Hecî Mistefa ku yek ji rûsipiyên eşîran yên herêma Efrînê ye ji rojnameya me re axivî.
’Erdogan jêdara tevlihevî û terorê ye’
Hecî Mistefa diyar kir ku dagirkeriya Tirkiyê dixwaze kebmberkê ji çeteyên radîkal yên Islamî li ser axa Sûriyê ava bike û wiha got: “Dewleta Tirk a dagirker ji destpêka aloziya Sûriyê ve, bi her awayî destrdirêjî li xaka Sûriyê kir û alozî kurtir kir. Dewleta Tirk ya dagirker bi avakirina komên çeteye û destikdayîna çeteyên DAIŞ’ê ji her kesî re isbat kir ku hikumeta AKP-MHP jêdera tevlihevî û terorê di cîhanê de ye. Ji ber ku hêzên YPJ’ê û YPG’ê çeteyên DAIŞ’ê li ser axa Sûriyê têk birin, dagirkeriya Tirk dixwaze tola çeteyan rake û êrîşê herêmên bakur û rojhilatê Sûriyê dike.dagirkerî di êrîşên dawî de bi awayekî eşkere êrşîşî kampa Holê kir û xwest çeteyan ji kampê derxîne. Kiryarên dewleta Tirk ya dagirker siyaseta wê ya destkdayîna çeteyan eşkere dike.”.
’Ev êrîş tavahî pêkhateyên herêmê dike hedef’
Hecî diyar kir ku êrîşên ku li ser herêmê tên kirin tavahî pêkhateyan dike armanc û wiha domand: “Dagirkerî bi salane şerê qirkirnê li ser Kurdan dide meşandin, di Bakur û Rojhilatê Sûriyê de ne tenê Kurd rastî van kiryaran tên, bi awayekî rasterast gelê Suryan, Ereb, Îzîdî, Çerkez û Turkmen jî, tavahî pêkhateyên ku jiyan dikin dibin hedef, di heman demê de di van êrîşên dawiyê de gelek leşkerên Sûriyê jiyana xwe ji dest dan, li beramberî wê tu helwest ji aliyê hikumeta Şamê ve nehat nîşan dan, li ser vî esasî divê li hember van êrîşên hovane û suçên şer, hêzên navnetewî û herêmî bêdeng nemînin ”.
’Em ê li hemberî êrîşan têkoşînê bilind bikin’
Rûsipiyê Eşîran yên Efrînê Hecî Mihemed tekez kir ku wê li hember van kiryaran dev ji têkoşîn û berxwedaniyê bernedin û wiha got: “Ne ji Îro de, ji beriya 45 salan me biryara têkoşîn û bilindkirina asta berxwdaniyê daye, ev erka me ya welatparêziyê ye. Ji ber wê jî em piştgiriya hêzên QSD û Rêveberiya Xweser dikin, li ser wî esasî derveyî pilanên siyasî yên ku li ser me tên kirin û nêzîkatiyên navneteweyî û yên hikumeta Şamê bi taybet, me xeta xwe a hebûn û nebûnê li ser esasê li dijî dagirkeriyê şerkirin hilbijartiye, wê sekna me li hember pêvajoyê cidî û serbixwe be”.