Ahmet Aktaş
Piştî hilbijartinan salekê li Iraqê, incex di nivê meha Cotmehê de, Serokkomar û Serokwezîr hatin erkdarkirin.
Di 17ê Cotmehê de, Berhem Salih, Serokkomarî radestî Dr.Letîf Reşîd kir. Wî jî M.Şiya Sûdanî, ji bo Serokwezîriyê peywirdar kir.
Gûman nîne ku xwedanê vê plan-projeyê DYEyê ye.
Hilbet ev encam ne li goreyî dilê Îranê ye û hêza Omer El Hekîmî ya ser bi Îranê ve, beşdarî rêveberiya niha ya Sûdanî nabe!
DYE jî, bi hêsanî ev encam bi dest nexist. Li dawîya gelek hewldanên tektîkî û leystokan, encex karibû bi serkeve.
Ji bo vê destkeftiya xwe berfirehtir bike û di plana xwe ya Rojhilata Navîn de destê xwe xurtir bike li himber Rûsya û Îranê, divê pirtir dest bavêje pirsgrêka Suriyeyê.
Bê gûman rêya serkeftinê jî, di Rojava re derbas dibe. Gelo dikarin li vir bi serkevin? Ka em bala xwe bidin rewşê!
Hilbet di stratejiya berê ya DYEyê de ti guhertin nayê dîtin. Her mîna berê ye; dixwaze Rêveberiya Xweser ya Rojava, ji rêya wê ya li ser felsefeya Rêber APO der bixe, bikişîne rêya xwefiroş ya MALBATA BERZANIYAN.
Jixwe nîşanên vê siyaset û niyeta malxerab zêdetir bûne:
Konferansek 2 rojan(1-2 Mijdar), bi navê `Iraqek Ji Bo Herkesî` li Hewlêrê hate lidarxistin. Ji aliyê MERI (Enstitûya Lêkolînê ya Rojhilata Navîn a DYE) ve hat birêvebirin. Yek ji nûnerê wê R.Slim û nûnerê Wezareta Derve S.Bitne, armanca xwe ya li ser Rojhilata Navîn û Rola Hukumeta Herêma Başûr gelek zelal diyar dikin. Dibêjin; ’Êdî cîhan ji berê pirtir giringiyê dide Rojhilata Navîn’, ’Ji bo jiyana hevpar, hemû cîhan dikare ji Herêma Kurdistanê sûd bigre`, `Berjewendên DYE û Rojhilata Navîn bûne yek’, ’Armanca DYEyê, li gel Herêma Kurdan, avakirina hevkariyên piralî û kêrhatî ye’ û hwd.
- Her wiha heman nûnerên DYEyê, xetera hevalbendiya Rûsya û Îranê jî nîşan didin.
- Di 15-16ê Cotmehê de, bi pêşgentiya Zahibullah Mucahîdê nûnerê Talîbanên Efxanîstanê, li Amedê Konferansa Aliman lidar xistin. Bi giranî ji Hewlêrê, Bakur û Rojava jî, kesên di heman zihniyeta(DAIŞ) R.Erdogan-Taliban û Berzaniyan de li hev kombûn.
- Wezîrê Pêşmergeyan Şoreş Ismail û Berpirsiyarê Leşkeriyê Balyozxaneya DYEyê li Bexdayê, Kolonel Evans hevdîtin pêkanîn.
Parêzgarê Nînewayê Necm El-Cuburî û hinek nûnerên Rêveberiya Sûdanî dibêjin, ’divê em ‘peymana 9ê Cotmeha 2020an’, bi lez bixin pratikê’.
Di heman rojan de, li gel van hewldanên li Iraqê û Başûr, li Sûriyeyê û Rojava jî, weke şaxê heman siyasetê birêve diçin.
Li Iraqê û Başûr; DYEyê, bi destê dewleta Tirk û PDKê, li Sûriyeyê û Rojava jî, bi destê dewleta Tirk, ENKS(Dûvîkê PDKê) û Elnusra, vî karê xwînrêj dide meşandin.
Hilbet divê karê Rûsya û Îranê jî neyê jibîrkirin. Li her du herêman Îran çalak e, lê li Sûriye û Rojava, Rûsya û Îran bi hevre çalak in.
Li aliyê din, rêya 3an a hêza xwecih û xurt Tevgêra Azadiya Kurdistanê ye. Heta nuha dijberiyek hevpar hebû, lê êdî ew eniya xerabkar a hegemonîst jî parçe dibe. Lê divê xemsarî çênebe, berovajî, xembarî û amadekarî xurtir bibe.
