Zana Roj/ Şehba
Tevgera Ciwanên Şoreşger ya herêma Efrînê ji bo bi rêxistinkirina ciwanan li gorî stratejiya Şerê Gelê Şoreşgerî komxebatek li herêma Şehbayê li darxistin.
Di 16 ê cotmehê de, Tevgera Ciwanên Şoreşger a herêma Efrînê komxebatek li darxistin. Armanca komxebatê, rêxistinkirina ciwanan li ser bingeha Şerê Gelê Şoreşgerî û giringiya wê di vê pêvajoyê de. Di komxebatê de, bi dehan rêveber û endamên Tevgera Ciwanan yên herêma Şehbayê beşdarî komxebatê bûn, her wiha nîqaşên berfireh hatin meşandin û di dawiyê de bi perspektîfên xurt hatin derxistin.
Li ser giringiya Şerê Gelê Şoreşgerî û armanca komxebata ciwanan, endamên Tevgera Ciwanên Şoreşger ya herêma Efrînê ji me re axivîn.
`Bi şerê taybet dixwazin jin û ciwanan têk bibin`
Endama Meclisa Tevgera Ciwanên Şoreşger ya herêma Efrînê Emîne Ebdo bal kişand ser girîngiya Şerê Gelê Şoreşgerî ji bo parastina deskeftiyan û wiha got: “di sedsala 21`an de, şerê ku tê kirin bi temamî di navbera modernîteya kapîtalîzm û demokrasiyê de ye, hêzên hegemon bi her awayî dixwazin li ser tavahî mirovahiyê bandora xwe bidin çêkirin, bi taybet li ser jin û ciwanan bi rêbazên şerê taybet, bi hemû hêza xwe dixebite da ku ciwanekî lawaz û li gor berjewendiyên netewdewlet bide avakirin”.
Emîne diyar kir ku ji bo sekna li hember siyaseta dijmin û şerê taybet yê li ser ciwanan tê meşandin, pêkanîna stratejiya şerê gelê şoreşgerî pêwîste û wiha domand: “Ji bo ku em bikaribin tevahî aramanc û siyaseta ku li ser ciwanan tê meşandin vala derxinin, divê em ciwan di çawaniya pêkanîna stratejiya şerê gelê şoreşgerî xwe zana bikin û vê bi gel re parvebikin”.
“Hêza herikîn û pêkanînê, ciwan in”
Endama Meclisa Tevgera Ciwanên Şoreşger ya herêma Efrînê Emîne Ebdo da zanîn ku hêza yekemîn ya ku bikaribe stratejiya Şerê Gelê Şoreşgerî di nava civakê de biherikîne, ciwanin û axaftina xwe wiha qedand: “Emê di lidarxistina van komxebatan bidomînin û em di wê baweriyê de ne ku jin û ciwan wê bi hev re, wê civakê ji desthilatên hov rizgar bikin û wê şoreşa azadiya gelan pêk bînin.”
`Ji şerê azadiyê re pêşengtî erka ciwana ye`
Endamê Tevgera Ciwanên Şoreşger Reşîd Silêman jî, diyar kir ku armanca wan ji van komxebatan, ewe ku li gorî Şerê Gelê Şoreşgerî, civak û ciwanan birêxistin bikin û got, Armanca me em bikaribin pêşengtiyeke rast ji pêvajoyê re bikin. Ji erka ciwanaye ku li hember şerê ku li tavahî Kurdistanê tê meşandin, tekoşina herî xurt bimeşînin û hemû pîlanên dijmin têk bibin”.
`Emê şerê azadiyê bi ser bixin`
Reşîd Silêman axaftina xwe wiha qedand: “Emê bi gelê xwe re ji temenê 7 salî heyanî 70 salî bikaribin bi rihê şerê gelê şoreşger jiyan bikin û şerê azadiyê bi ser bixînin, ancax em bi vî rihî dawiyê li dagirkeriyê bînin.”
