Navenda Nûçeyan/ Qamişlo
Li Îranê û Rojhilatê Kurdistanê piştî kuştina Jîna Emînî ji aliyê rêjîma Îranê ve, xwepêşandan û berxwedana gel her ku diçe firehtir dibe, li hemberî wê jî rêjîma Îranê rasterast guleyan diavêje xwepêşanderan û herî kêm 50 kes şehîd bûn.
FacebookTwitterWhatsAppTelegram
Di 14’ê Îlonê de Jîna Emînî (22), piştî “polîsên exlaqê” yên Îranê bi hinceta laçika xwe bi awayekî rast nepêça ye girtin, hêzên rejîma Îranê bi awayekî hovane îşkence lê kir û di encamê de gihaşt asta şehadetê.
Dema ev sûca hovane pêk hat, xwepêşandanên girseyî yên şermezarkirinê Ii bajarên Rojhilatê Kurdistanê hatin lidarxistin û piştre li bajar û herêmên Îranê Jî belav bûn. Wek her car hêzên Îranê bi hemû rêbazên çewisîner li hember van xwepêşandanan sekinîn û di encamê de, li gorî raporên çapemeniyê, zêdetirî 50 kesî şehîd bûn. Tevî binçavkirin, girtin û êrişa leşker û polîsan gel kolan bernade û her ku diçe xwepêşandan firehtir dibin. Di xewpêşandanan de dirûşmeyên ’Bimre Xamenayî, bimre dîktator , emê berxwedanê bikin ’ bilind dibin.
Li hemberî xwepêşandanan rêjîma Îrane wekî her car kuştin û şidetê bikar tînê, li gorî dîmenên ku li ser Tiwiterê hatine belavkirin, rêjîma Îranê rasterast guleyan li xwepêşanderan direşîne. Rêxistina Mafê Mirovan ya Îranê ragihand ku heta niha di xwepêşandanên seranserî Îran û Rojhilatê Kurdistanê yên li dijî kuştina Jîna Emînî de, herî kêm 50 xwepêşander hatine kuştin û bi sedan xwepêşander hatin binçavkirin. HJerwiha rêxistinê ragehand ku gelek rojnemevan û çalakvanên mirovî jî ji aliyê rêjîma Îranê ve hatin binçavkirin.
Gelek partî, sazî û rêxistinên Kurdan bi daxyaniyan kuştina Jîna Emînî şermezar kirin û piştgiriya xwe ya bi xwepşandanan re ragehand navê hin ji wan jî wiha ne:
Partiya Marksîst Lenînîst Komunîst-Kurdistan (MLKP-Kurdistan), Tevgera Civaka Demokratîk (TEV-DEM), Kongreya Neteweyî ya Kurdistanê (KNK), Partiya Aştiya Demuqrat a Kurdistanê (P.A.D.K), Komelgeha Demokratîk û Azad a Rojhilatê Kurdistanê (KODAR), Însiyatîfa Jin Kurdistanê ji Dagirkeriyê Diparêzin, Tevgera Azadiyê ya Jinên Êzidî (TAJÊ), Tevgera Azadiyê Ya Jinên Kurd(KJK) .
Hêjayî gotinê ye ku duhRêxistina Efûyê ya Navneteweyî ji bo serhildana li Îranê banga çalakiyên lezgîn kir