Farûk Sakik
Rêber Apo dixwest şoreşa Kurdistanê bi şoreşa jinê re were nirxandin. Di sala 2013’an de ji tevgera jinan re nameyek şand û di vê nameya xwe de got; “formula ‘Jin Jiyan Azadî’ bidin fêrkirin û di heman demê de ji vê yekê re pêşengtî jî bikin.” Ji wê demê ve êdî ev dirûşm bû sembola têkoşîna jinan. Di serî de li Rojhilata Navîn li her deverî belav bû.
***
Qetilkirina jina Kurd Jîna Emînî, li Rojhilatê Kurdistanê û Îranê, bû çûrîska raperîna gelan. Serhildana gelan a li hemberî zext û zilma dewleta Îranê, bi pêşengiya jinan pêk tê, li her deverî belav dibe. Ji her qadê dengê ‘Jin Jiyan Azadî’ bilind dibe. Li dijî êrişên hêzên Îranê gel bi israr li ber xwe dide û daxwaza azadiyê dike.
Ev, eniya Îranê û Rojhilatê Kurdistan pêk hat bi vê derê sînorkirî nema. Bertekên li dijî qetilkirina Jîna Emînî, li hemû cîhanê belav bû. Jin daketin qadan û li her qadê dengê ‘Jin-Jiyan-Azadî û Zen-Zendegi-Azadî’ bilind dibe.
Ev serhildanên jinan ên dîrokî ku roj bi roj xwe mezin dike, helbet ne wiha ji xwe de dest pê kiriye. Tevgera azadiya Kurd û jina Kurd ji vê serhildana jinan a gerdûnî re pêşengî dike. Rêber Apo di name û peyamên xwe yên der barê çareseriya pirsgirêka jina Kurd û jinên cîhanê, gelek nerînên dîrokî pêşkêşî jinan kirine. Jinên Kurd ev peyam girtin û li hemû cîhanê belav kirin. Ev xebat bûn sebep ku îroj li her deverî dengê ‘Jin Jiyan Azadî’ bilind dibe.
Roja ku Jîna Emînî hat kuştin, di heman kêliyan de li gelek deverên cîhanê jin dihatin qetilkirin. Ev raperîna ku jinên Kurd da destpêkirin wê pêşî li wan qetilkirina jinan bigire.
Li hemû parzemînên cîhanê, ji Amerîkaya Latîn bigire hetanî Afrîka, li kongre û konferansê rêxistinên jinan de, li salonên xelatên Oskarê, li parlementoyên cîhanê, li stadyûmên lîstika fûtbolê de, dengê ‘Jin Jiyan Azadî’ bilind dibe. Ew serhildana ku li Îranê destpêkirî ne ji bo sîstema Îranê tinê biguhêrin in, di heman demê de ji bo ku hemû sîstem û zîhniyetên li dijî jinê ne werin guhertin e. Ji bo vê ev serhildana jina bû gerdûnî.
Her çiqas dewleta Îranê bi qetilkirinê bersiv da vê serhildanê jî, hin dewletên wek Tirkiyê jî dixwazin ji vê yekê sûd wergirin. Tirkiye dixwaze ku aliyê serhildanên hemû jinan veşêre, kurdan û rejîma Îranê bîne beremberî hev. Dewleta Tirk a dagirker bi salan e, nikare li Qadên Parastina yên Medyayê bigihîje armanca xwe. Îro dixwaze wê raperîna jinan, bi kar bîne û Îranê bixe nav tevgera êrişan da ku bigihîje armanca xwe.
Jinên kurd ji bo hişmedî û zîhniyeta dijbertiya jinan bide seknandin, têdikoşin. Ew roj Jîna Emînî nikaribû xwe biparêze. Lê qetilkirina wê bû sebep ku li her deverî jin dakevin qadan û doza mafê xwe yê parastinê bikin. Rejîmên totalîter dibe di kuştina jinan de israr bikin, lê jin jî heger di rêxistinbûna xwe de israr bikin, wê pêşî li van kuştinan bigirin. Piştî kuştina Jîna Emînî, êdî desthilatdar wê nikaribin wisa bi hêsanî jinan bikujin. Waye li ber qesrên wan, dengê ‘Jin Jiyan Azadî’ bilind dibe.
