Zana Roj/Şehba
Welatiyên kantona Efrînê tecrîda li ser Rêber Apo şermezar kirin û diyar kirin ku armanca tecrîdê tinekirina gelê Kurd û têkbirina hêza jinê ye. Herwiha dan zanîn ku bi xurtkirina têkoşînê wê azadiya fîzîkî ya Rêber Apo misoger bibe.
Rêberê gelê kurd abdullah Ocalan ev 24 salin ji aliyê dewleta tirk a dagirker ve hatiye girtin, Rêber Apo ji bo azadiya gelê kurd û tevahî gelên bindest di girtîgeha Îmraliyê de têkoşîneke bê sînor dide meşandin. Hêzên hegemon xwestin bi girtina Rêber Apo îradeya gelê Kurd biçewisînin û tune bikin, lê ji ber têkoşîna dîrokî ya Rêber Apo û berxwdana şervanên Tevgera Azadiyê ya bê hempa, ew hêz negihiştin armanca xwe. Herwiha Tevgera Azadiya Kurdistanê bi sekna li hemberî êrişên dagîrkeriyê, îsbat kir ku bi dîlgirtina Rêber Apo, fikr û felsefeya wî sînordar nabe.
Welatiyên bajarê Efrînê tecrîda giran ya ser Rêber Apo şermezar kirin û diyar kirin ku bi têkoşîn û berxwdana gelê Kurd wê tecrîd bê şkandin û faşîzma AKP’ê wê hilweşe.
’Felsefeya Rêber APO deriyê ronîkirina Rojhilata Navîn e’
Welatiyê bi navê Luqman Hesen Komploya Navneteweyî ya li ser Rêber Apo
şermezar kir û wiha got: “Tevayiya gelên Rojhilata Navîn, dizanin ku felsefeya Rêber Apo ji bo pirsgirêkên wan bingeha çareseriye ye. Lê ji ber ku felsefeya azadiyê ya Rêber Apo nakeve xizmeta berjewendiyên hêzên desthilatdar û kapîtalîzimê, wan Komplyeke Navneteweyî li hemberî Rêbertî pêk anîn û ev komplo bi serpereştiya Amerîka û Israyîlê hat dest pê kirin.”
’Rêber APO dîroka têkoşîna gelê Kurd vejîn kir’
Luqman Hesen diyar kir ku Rêber Apo dîroka gelê Kurd a ku bi sedê salan e ji aliyê dijminên gelê Kurd ve hatiye çewisandin ji nû ve vejîn kir û axaftina xwe wiha dewam kir: “Rêber Apo ji bo gelê Kurd û tevayiya gelên azadîxwaz projeya Neteweya Demokratîk pêşkêş kir. Ev proje li Rojhilata Navîn bû bingeha azadiya gelan.”
’Kes nikara felsefeya Rêbertî tune bike’
Luqman balkişand ser tecrîda girankirî ya li ser Rêber Apo û axaftina xwe wiha qedand: “Ev demeke dirêje ku dewleta Tirk a dagirker, rê nade ku parêzer û malbata Rêber Apo hevdîtinê pê re bikin. Dewleta Tirk ya dagîrker dixwaze têkiliya Rêber Apo bi gelê Kurd re qut bike û felsefeya azadiyê tine bike. Lê divê dewleta tirk ya dagirker bizanibe ku fikir û felsefeya Rêber Apo, di dil û mejiyê her Kurdekî welatparêz de ye û ti kes nikare wê felsefeyê tine bike”
’Bi saya felsefeya Rêber Apo jina kurd bû pêşenga jinên azadîxwaz yên cîhanê’
Welatiya bi navê Reşîda Mihemed jî tecrîda ser Rêber Apo şermezar kir û diyar kir ku bi saya fikrê Rêber Apo yê azad, jina Kurd bû pêşenga jinên azadîxwaz li tevayiya cîhanê û axaftina xwe wiha domand: “Bi saya fikrê Rêber Apo, jina Kurd ji bindestiyê bû pêşenga civakê û sembola jina azad. Armanca tecrîda li ser Rêber Apo, şkandina îrade û hêza jinê ye. Dewleta tirkî ya dagirker wê ti carî nikaribe xwe li ber fikir û têkoşîna Rêber Apo bigre û armanca xwe bi dest bixe.”
Reşîd Mihemed bang li tavayiya rêxistinên mafên mirovan kir ku bi erkê xwe yê exlaqî rabin û çavê xwe ji kiriyarên neexlaqî yên dewleta tirk ya faşîst negrin. Herwiha bang li gelê Kurd kir ku têkoşîna li hemberî faşîzmê bihêztir bikin û li ser fikrê rêber Apo meşa azadiyê dewam bikin.