Peymangeha Orkestra Rojava ya Zarokan beşa enstrûmentên têlî û piyano û koma stiranan şahiyek li navenda Mihemed Şêxo ya Çand û Hunerê ya Qamişlo, li dar xist.
Peymangeha Orkêstra Rojava ya Zarokan beşa enstrûmentên têlî û piyano û koma stranan şahiyek li navenda Mihemed Şêxo ya Çand û Hunerê ya Qamişlo, li dar xist.
Di şahiyê de bi dehan zarok û malbatên wan hazir bûn. Di destpêka şahiyê de endama rêveber a peymangeha Orkêstra Rojava ya Zarokan Mizgîn Tahir bixêrhatina beşdaran kir. Piştre koma stranan sirûda Kurdî (Ey Reqîb) xwend û parçeyên muzîkî ji aliyê koma enstrûmentên têlî û piyano ve hatin pêşkêşkirin.
Têkildarî şahiyê, endama rêveber a peymangeha Orkêstra Rojava ya Zarokan, Mizgîn Tahir got, ku kom ji 30 zarokî pêk tê û anî ziman ku ew ê komê mezintir bikin û enstrûmentên nû zêde bikin û stranên nû amade bikin.
Mizgîn Tahir anî ziman ku armanca wan ji şahiyê ew e ku behreyên hunerî yên zarokan vebînin û pêş bixin.
Şahiya orkestraya zarokan bi xelatkirina sê zarokan ji komê bi dawî bû.
ANHA/QAMIŞLO
