Di çarçoveya amadekariya gelê herêmê ji bo bersiva êrişên dewleta tirkî ya dagîrker de, koçberên Serê Kaniyê berê xwe didin navendên tenduristiyê û tevlî dewreyên destwerdanên muhtemel yên lezgîn dibin.
FacebookTwitterWhatsAppTelegram
Rêveberiya Xweser a Bakur û Rojhilatê Sûriyê di 6`ê Tîrmehê de rewşa awarte ragihand û bang li welatiyan kir ku di çarçoveya bersivdayîna êrişên artêşa Tirk a dagirker de tev li dewreyên destwerdanên lezgîn bibin.
Têkildarî mijarê Nivîsgeha Tenduristiyê ya Kampa Serêkaniyê ya li bajarê Hesekê banga rêveberiyê bi cih anî û ji koçberên kampê re dewre vekir.
Desteya Tenduristiyê ya Bakur û Rojhilatê Sûriyê nexweşxane û navendên xwe yên tenduristiyê jî amade kirin, her wiha li gund û navçeyan ji gelê herêmê re dewreyên destwerdanên lezgîn vekirin.
Gerînendeyê Nivîsgeha Tenduristiyê ya Kampa Serêkaniyê Dilawer Mihemed Elî destnîşan kir ku koçberên ji herêma Serêkaniyê li navendên tenduristiyê yên girêdayî Nivîsgeha Tenduristiyê ya Kampa Serêkaniyê, rojê du saetan li ser destwerdanên bingehîn tên perwerdekirin.
Dilawer Mihemed Elî diyar kir ku ew ê li ser banga Rêveberiya Xweser a Bakur û Rojhilatê Sûriyê hefteyekê koçberên li kampê li ser destwerdanên lezgîn, perwerde bikin da ku di rewşên awarte de amade bin.
Dilawer Mihemed Elî destnîşan kir ku ew ê hemû koçberên li kampê li ser du beşan perwerde bibin û her beşek wê ji 25 kesan pêk were.
ANHA