Xalid Etê/Qamişlo
Li Akademiya Ş. Egîd Cîlo ya branşên kurdî dewreya 15’an ya branşên wêjeyî bi tevlîbûna 58 mamosteyan dest pê kir.
Akamdemiya Ş. Egîd Cîlo ya Qamişlo bi tevlîbûna 58 mamosteyan ji Kantona
Hesekê û Qamişlo, 27`ê Tîrmehê perwerdeya xwe ya branşên kurdî da destpêkirin. Mamosteyên tevlî bûyîn ji qonaxa navî û amedayî ne. Mamoste herwiha wê di nava 40 rojan de waneyên branşa felsefe, dîrok, sosyolojî, zimanê Kurdî, çand û sincê bibînin .
`Mamoste di perwerdeyê de fêrî rêbazê wanedayîn û lêkolînê dibin`
Têkildarî perwerde û naveroka wê ji ji rêvberiya akademiyê Aras Şakir ji me re axivî û got, vê havînê, me perwerdeya grupeke mamosteyên branşên zanistî bi serkeftî qedand û niha me dest bi perwerdeya mamosteyên branşên yêjeyî kir. Perwerdeya akademiyê jî ji aliyê komisyonên biezmûn û pispor tê dayîn. Mamoste bi sîstema
projeyên lêkolînê ya akademiyê ji saet 8`an heta 1`ê waneyên branşê dibînin û piştî saet 3`yan tevlî waneyên perwerdenasînê dibin.
Şakir herwisa da zanîn ku aramca wan ya perwerdeyê xurtkirina hêza mamosteyan ji aliyê zanistî, wêjeyî û rêbazên wanedayînê ve ye û axaftina xwe wiha qedand: “Herwisa rêbazên lêkolînê fêr dibin ji bo ku mamosete ne di çarçove û qalibên pirtûkan tenê de xwendekaran perverde bikin. Di encamê de, lêkolîna mamosteyan derbarê waneyekê de dervî çaçoveya pirtûkê, wê mamosteyê pispor derkeve û xwendekar jî wê di asta herî jor de ji waneyê fêr bibe”.
Hêjayî gotinê ye ku Akademiay Ş. Egîd Cîlo ya branşên Kurdî 4ê Tîrmeha 2019`yan ji aliyê Desteya Perwerde û Fêrkirinê ya Herêma Cizîrê ve li bajarê Qamişlo hat
vekirin. Armanca vekirina Akademiyê pêşxistin û pisporkirina mamosteyan bi branşa wêjeyî û zanistî ye. Herwisa li akademiyê amûr û alavên zanistî û pêwîst hatine bicîkirin. Herwiha pirtûkxaneyeke mezin ku pirtûkên bi çand zimanan lê hene, heye. Heta niha 15 perwerdeya her du branşan hatiye dayîn û jimara mamosteyên tevlî bûyîn 793 ye.
