Ayşa Silêman/ Dêrik
Şîneyê bajarê Dêrikê bi dirûşmeya “Mîrasa Şehîdên 18’ê Gulanê Îradeya Kongreya 12’emîn e” 94 şehîdên meha Adar, Nîsan û Gulanê bi bîr anîn û di heman demê de 18’ê Gulanê jî bi bîr anîn.
Îro şîneyên bajarê Dêrikê li navenda Ciwanan bi dirûşmeya “Mîrasa Şehîdên 18’ê Gulanê Îradeya Kongreya 12’emîn e” 94 şehîdên meha Adar, Nîsan û Gulanê bi bîr anîn û di heman demê de 18’ê Gulanê jî bi bîr anîn.
Di bîranînê de hemû malbatên şehîdan û endamên saziyên Rêveberiya Xweser hazir bûn.
Bîranîn bi xulek bêdengî li ser giyanê şehîdan dest pê kir, paşê li ser navê Tevgera Azadiyê Heyfa Mihemed bi xêrhatina hemû haziran kir û li ser navê Tevgera Azadiyê roja 18’ê Gulanê, Cejna Vejînê bi bîr anî û wiha got: “Di şexsê Rêberê Mirovahiyê de Rêber Apo 35 hezar şehîdên tekoşîna Partiya Karkerên Kurdistanê(PKK) û 50 hezar şehîdên Şerê Gelê Şoreşgerî bi bîr tînin. Rêber Apo navê vê mehê kir meha şehîdan ji ber ku pêşeng û feylesûfên qedir bilind di oxira azadiyê de canê xwe feda kirin. Rêheval Heqî Kerar ji tevgera Azadiyê, gelê Kurd û tevahiya mirovahiyê re rûpeleke nû vekir. Rêber Apo dibêje dema agahî hat ku Heqî Kerar şehîd ket, min hest û piskolojiyeke wisa jiyan kir ku dunya li ser min hilweşiyaye. Dema Rêber Apo û tevgera Apoyî dest bi têkoşînê kirin li ser yek nirx û yek çek, ew jî çeka hevaltiyê bû. Herwiha ev ked û hêza ku îro roj em gihanştin wê û tevgera Apoyî li herderî hat naskirin bi ked û têkoşîna şehîdan bû, bi sekin û îradeya dayikan bû. Ev tevger tu car hilnaweşe, danîna çekê nayê wê wateyê. Pêwîst e gel bê moral nemîne, niha pêvajoyeke nû dest pê dike ked, xebat û têkoşîn berdewam e.”
Di dawiyê de jî silvizyon li ser şehîdên meha Adar, Nîsan û Gulanê ji beşdarvanan re hat pêşkêşkirin.
