Di Doza Kûmpasê ya Kobanê de parastina siyasetmedarên Kurd hate astengkirin. Polîsan piştre êrîşî parêzer û siyasetmedaran kir.
Rûniştina dozê li Dadgeha Cezayê Giran a 22’emîn a Enqereyê hatekirin. Heyeta dadgehê xwest parastinan asteng bike û bang li polîsan kir ku bila were eywanê. Di dema êrîşê de siyasetmedar Nazmîr Gur xeriqî.
Di destpêka rûniştinê de heyeta dadgehê ewraqên ji bo dosyeya dozê nexwend û dest bi parastinan kir. Siyasetmedar û parêzeran îtîrazî vî tiştî kirin lê heyeta dadgehê biryara xwe neguherand û mafê axaftinê neda parêzeran.
Siyasetmedar Sebahat Tûncel di rûniştinê de diyar kir ku heyeta dadgehê krîzê çêdike. Heyeta dadgehê gotina Tûncel birî û nehişt ku Tûncel parastina xwe pêşkêş bike.
Heyetê piştre mafê axaftinê da siyasetmedara girtî Gulten Kişanak. Kişanak diyar kir ku Tûncel li ser kursiyê ye û heta ku Tûncel parastina xwe neke ew ê jî neke.
Heyeta dadgehê gotina Kişanak jî birî û mafê axaftinê da Hevseroka Giştî ya berê HDP’ê Fîgen Yuksekdag. Yuksekdag jî got “Dadgeh him parastinan asteng dike û him jî dipirse hûn ê parastinan bikin an na.”
Parlementera berê ya HDP’ê Gulser Yildirim jî diyar kir vê helwesta li hemberî wan ne hiqûqî û ne jî mirovî ye.
Plîsan êriş kirin
Dema ku ewraqên ji bo rûniştinê hate xwendin siyasetmedar û parêzeran bi çepikan heyeta dadgehê protesto kirin. Heyeta dadgehê jî ji bo êrîşê bangî polîsan kir. Polîsan êrîşî parêzer û girtiyan kir. Di êrîşê de siyasetmedarê girtî Nazmû Gur xeriqî û tîmên tendirustiyê bi wî re eleqedar bûn.
ANF
