Ayşa Silêman/ Dêrik
4`emîn salvegera damezrandina Radiyoya Dilcle FM li bajarê Dêrikê bi coş hat pîroz kirin.
Bi boneya 4`mîn salvegera damezrandina Radiyoya Dicle FM bi amadebûna hemû endam û rêveberiya Dicle, li navenda Radiyoyê li bajarê Dêrikê şahiyek hat lidarxistin.
Şahî bi xuleyek bêdeng li ser giyanê şehîdan destpêkir, paşê li ser navê Rêveberiya Radiyoya Dicle FM Felek Mihemed ev salvager li hemû mêvan û endamên Radiyoyê pîroz kir û wiha:” Di serî de em hemû şehîdên Tevgera Adaziyê yên meha Gulanê bibîr tînin, ev rojeke bi wateye ji ber ku di alîkî de bîranîna şehîdên meha Gulanê ye û di aliyekî din de dengekî nû jidayîk bû ew jî dengê Radiyoya Dicle Fm bû. Armanc ji vekirina dengê Dicle FM ew bû ku him bûyerên ku di herêmê de rû didin ragihîne û him jî zehmetî û astengiyên ku şêniyên herêma Dêrikê têre derbas dibin bibe dengê wan. Di heman demê de çanda vê herêmê bide naskirin û biratiya gelan nîşan bide. Her wiha di van salên dawî de herêma Bakur û Rojhilatê Sûriyê rastî gelek êrişên dagir keriya Tirk hat, heya ku Radiyoya Dicle bikaribe bibe wek çavkaniyekî ji bo ragihandina rastiyê û derxistina hovîtiya dewleta Tirk, li ser vî esasî hat avakirin û kar û xebatên xwe dide meşandin. Tevî ku radiyoya Dicle FM rastî gelek astengiyan jî dihat lê karîbû karê xwe berdewam û berfireh bike. Bi saya ked û fedekariya endaman, Radiyo gihiştiye vê ast û pêşketina ku îro heye.”
Şahî bi govend û coşeke mezin hat bi dawî kirin.
