Çalakvana jin Nêrgîz Mihemedî ji girtîgeha Êvîn ya Îranê ya tê de girtî peyamek şand. Mihemedî diyar kir ku li Îran nirxên mirovayiyê binpê dike û got, ez biryara sepandinan red dikim.
Çalakvana jin Nêrgiz Mihemedî ya li Îranê girtî, di peyama şandî de îşaret bi wê yekê kir ku ew biryara bi kêfî red dike û got: “Berdêlê wê mirin û girtin be jî, azadî, wekhevî û jiyan mafê me jinan e.”
Peyama Nêrgîz Mihemedî ya aktîvîsta li Îranê girtî, li ser rûpela Nêrgiz a Instagramê hat weşandin.
Mihemedî, di peyamê de bal kişande ser zextên li ser jinan ên li Îranê û destnîşan kir ku rejîma Îranê nirxên mirovahiyê binpê dike.
Di peyamê de Nêgiz bal kişand li ser qedexeyên di girtîgehê de û got: “Ji ber ku em jin in xwarina mûz, xiyar û gêzeran li me qedexe ye. Berdêla wê mirin û girtîn jî be, azadî, wekhevî û jiyan mafê me jinan e. Ez Nergîz Mihemedî wek jin û dayîkek biryara ferzkirina bi kêfî red dikim.”
Nêrgiz Mihemedî, meha Adarê ya sala 2014’an hat girtin, sewqê girtîgeha Êvîn a bajarê Tehranê yê Îranê hat kirin. Dadgeha ku Nêrgiz Mihemed lê hatin darizandin, 16 sal ceza lê birî.
ANF