Lîwa Şemal El-Demokratî diyar kir ku amade ne herêmên bakur û rojhilatê Sûriyê biparêzin û got “Tu ferq di navbera ti devera xaka welatê me Sûriyê de nîne. Eger dagîrkeriya tirk êrişî herêmê bike, wê şerekî giştî û dirêj dest pê bike. Ev şer ji Serê Kaniyê heta bi Idlibê neyê rizgarkirin, wê raneweste.”
FacebookTwitterWhatsAppTelegram
Bi beşdariya Fermandariya Lîwa Şemal El-Demorkatî, şervanan toraneke leşkerî li dar xist. Piştre ji fermandarên Lîwa Şemal El-Demokratî Ebû Omer El-Idlibî daxuyanî xwend.
Di daxuyaniyê de hate diyarkirin ku dewleta Tirk gefan li dijî herêmê dixwe û pê re hikumeta Erdogan hewl dide bi hincetan bêbingeh û derew, xaka Sûriyê dagir bike û wiha dewam kir: “Li ser bingeha parastina rewa em ê wekî hêzên Lîwa Şemal El-Demokratî parastina bajar û gelê xwe bikin. Tu ferq di navbera xaka welat Sûriyê de tune ye. Em parastina rojhilatê Firatê wekî parastina Idlibê dihesibînin ku bajarê me ye û ji aliyê rêxistinên terorîst ên dewleta Tirk a dagirker ve hatiye dagirkirin.”
Di berdewamiya daxuyaniyê de soz ji bo gel û şehîdan hat dayîn ku dê di lehengî û fedekariyê de dersekê bibin dijmin û hate gotin: “Em ê şerekî dirêj û giştî bidin destpêkirin. Ev şer heta ku xaka Sûriyê ya dagirkirî ji Serêkaniyê û heta Idlibê neyê rizgarkirin, dê raneweste. Em ê hewldanên dagirkeriya Tirk têk bibin û bi fedekariyên şervanên me, xweragirtina gelê me, doza me ya ail û têkoşîna me ya pîroz dê dîrok mezintirîn şerên rûmetê binivîse.”
Di dawiya daxuyaniyê de soza parastina xak û gelê herêmê ji êrişan hate dayîn û berxwedana gelê Bakur û Rojhilatê Sûriyê ku piştgiriyê didin têkoşîna wan a rewa û hêzên li eniyên şer parastina welat dikin, hate silavkirin.
ANHA
