Endamên PYD’ê gotin partiya me doza kurdî dozeke nîştimanî û mafdar dibîne û diyar kirin ku çareseriya krîza Sûriyê bi diyalog, jiyana hevbeş û Sûriyeke demokratîk, nenavendî û pirreng pêkan e.
FacebookTwitterWhatsAppTelegram
18-19-20 vê mehê kongreya 9’an ya PYD bi beşdariya 700 delegeyên endamên partiyê hat lidarxistin. Beşdarên kongreyê diyar kirin ku doza kurdî li Sûriyê dozeke mafdar e û teqezî li ser çareserkirina krîzê kirin.
Girîngiya diyalogê ji bo têkbirina planên dagîrkeriya tirkî
Girêdayî mijarê, hevserokê PYD’ê yê kantona Qamişlo Mihemed El-Şumerî diyar kir ku di kongreyê de hat gotin çareseriya krîza Sûriyê bi diyaloga sûrî-sûrî pêkan e, çi bi riya lihevkirinên siyasî di navbera hikumeta Şamê û Rêveberiya Xweser çi bi hêzên demokratîk ên opozîsyonê,
‘Dewletên destwerdan kirîn ji çareserkirina aloziyê dûr dikevin’
El-Şumerî got, divê krîza Sûriyê bi diyaloga li gel opozîsyona demokratîk bê çareserkirin. Lewra `Îtîlafa Sûriyê` nûnertiya gelê Sûriyê nake, li gorî berjewendiyên xwe yên şexsî kar dikin. Divê ji aliyê gelê Sûriyê ve yê li hundir ve, ne yên di hembêza dewleta Tirkan ya dagirker de xebateke mezintir bê kirin.”
Mihemed El-Şumerî di dawiya axaftina xwe de bal kişand ser girîngiya diyaloga sûrî-sûrî û got: “Dewletên destwerdan di kar û barên Sûriyê de dikin, li gorî berjewendiyên xwe yên herêmî û navnetewyî kar dikin.”
‘Jiyana hevbeş, civakeke azad û jiyaneke birûmet’
Derbarê mijarê de, endama Meclisa Giştî ya PYD’ê Şerîfe Hisên diyar kir ku di encamnameya kongreyê de biryara avakirina civakeke azad û jiyaneke hevbeş di navbera hemû pêkhateyan de bûn.
Şerîfe Hisên got: “PYD’ê ji bo danûstandin û lihevkirinê amade ye bi hemû aliyên siyasî yên kurdî û sûrî re bicive, çareserkirina krîza Sûriyê bi diyaloga sûrî-sûrî yan jî her lihevkirinekê ku gelê Sûriyê rizgar dike, pêkan e.”
Di kongreya 9’an a PYD’ê de Salih Mislim û Asya Ebdullah wek hevserok, meclisek ku ji 145 endaman û Komîteya Disîplînê ku ji 7 endaman pêk tê, hatibûn hilbijartin.
ANHA